తెలంగాణ: కొండా సురేఖపై పరువు నష్టం కేసులో నాగార్జున వాంగ్మూలం
తెలంగాణ మంత్రి కొండా సురేఖ చేసిన వ్యాఖ్యలపై సినీ నటుడు అక్కినేని నాగార్జున న్యాయ పోరాటం సాగిస్తున్నారు. ఆయన క్రిమినల్ కేసు, పరువు నష్టం దావా వేసి నాంపల్లి కోర్టులో విచారణలో పాల్గొన్నారు. ఈ విచారణలో ఆయనతో పాటు తన భార్య అక్కినేని అమల, కుమారుడు నాగ చైతన్య కూడా హాజరయ్యారు.
నాగార్జున కోర్టుకు హాజరైన సందర్భంలో, ఆయన వాంగ్మూలాన్ని నమోదు చేయాలని కోర్టు ఆదేశించింది. ఈ క్రమంలో, ఆయన పిటిషన్ దాఖలు చేసిన కారణాన్ని వివరిస్తూ, మంత్రి కొండా సురేఖ తన కుటుంబం పైన అనుచిత వ్యాఖ్యలు చేసినట్లు తెలిపారు. ఈ వ్యాఖ్యల వల్ల వారి కుటుంబ పరువు మర్యాదలకు భంగం వాటిల్లినట్టు కోర్టుకు వెల్లడించారు.
సమంతతో విడాకులపై కూడా మంత్రి అనుచిత వ్యాఖ్యలు చేశాయని నాగార్జున తన వాంగ్మూలంలో పేర్కొన్నారు. ఈ అంశంపై కోర్టు విచారణ కొనసాగుతుంది.