మూవీడెస్క్: విజయ్ దేవరకొండ, గౌతమ్ తిన్ననూరి దర్శకత్వంలో వస్తున్న కొత్త సినిమా VD12 గురించి భారీ అంచనాలు నెలకొన్నాయి.
ఈ సినిమా షూటింగ్ జోరుగా సాగుతోంది. సితార ఎంటర్టైన్మెంట్స్ నిర్మిస్తున్న ఈ చిత్రంలో విజయ్ దేవరకొండ రెండు విభిన్న గెటప్స్‌లో కనిపించబోతున్నాడు.
ఇప్పటికే ఖైదీ లుక్‌లో ఉన్న ఫస్ట్ లుక్ విడుదలై ఆకట్టుకుంది. విజయ్, తన గత చిత్రాలతో పోలిస్తే ఈ సినిమాలో పూర్తిగా డిఫరెంట్ లుక్‌లో కనిపించనున్నాడు.
ఈ సినిమాలోని లుక్స్, కథాంశం ప్రేక్షకులను ఆకట్టుకునేలా ఉండబోతున్నాయి. ప్రస్తుతం, సినిమా టైటిల్ టీజర్ కోసం ఏర్పాట్లు చేస్తున్నారు.
ఈ టీజర్‌కి వాయిస్ ఓవర్ కోసం నందమూరి ఫ్యామిలీ నుంచి బాలకృష్ణ లేదా ఎన్టీఆర్‌ను సంప్రదిస్తున్నారట.
నాగ వంశీ, ఎన్టీఆర్‌తో మంచి అనుబంధం కలిగివున్న నేపథ్యం ఉన్నందున, ఆయన వాయిస్ ఓవర్‌కు ఫస్ట్ ఛాయిస్ కావచ్చు.
బాలకృష్ణ గానీ, ఎన్టీఆర్ గానీ ఈ ప్రాజెక్టుకు వాయిస్ ఓవర్ ఇస్తే, అది సినిమాకు అదనపు ఆకర్షణగా నిలుస్తుందని చెప్పవచ్చు.
ఈ సినిమాను 2025 మార్చి 28న విడుదల చేయాలని చిత్ర బృందం నిర్ణయించింది. విజయ్ దేవరకొండ కూడా ఈ సినిమాతో బ్లాక్ బస్టర్ హిట్ కొట్టాలని నమ్మకంగా ఉన్నాడు.
అనిరుద్ రవిచందర్ సంగీతం కూడా ఈ సినిమాకు ప్రత్యేక ఆకర్షణగా నిలవనుంది. మరి VD12 బాక్సాఫీస్ వద్ద ఎలాంటి సెన్సేషన్ క్రియేట్ చేస్తుందో చూడాలి.