మూవీడెస్క్: నేచురల్ స్టార్ నాని తన సినిమాల ఎంపికలో పర్ఫెక్ట్ గా ఆలోచిస్తూ, పర్ఫెక్ట్ ప్లానింగ్ తో ముందుకెళ్తున్నారు.
ప్రేక్షకులు అతని నుంచి కోరుకునే అంశాలను దృష్టిలో పెట్టుకుని కథలను ఎంపిక చేస్తుంటారు. నాని స్ట్రాటజీ ఏంటంటే, ఒకే రకమైన కథలను కాకుండా విభిన్నమైన కథాంశాలతో ప్రయాణం చేస్తూ కుటుంబం మొత్తం కలిసి చూడగల సినిమాలను రూపొందించడం.
ఈ క్రమంలో, నాని తన మార్కెట్ స్థాయిని 60 నుంచి 100 కోట్ల వరకూ పెంచుకున్నారు. ఆగష్టు 29న రాబోతున్న సరిపోదా శనివారం అనే మాస్ యాక్షన్ సినిమా మీద భారీ అంచనాలు ఉన్నాయి.
ఇక రాబోయే ప్రాజెక్టులలో, దర్శకుడు శైలేష్ కొలను తో ‘హిట్ 3’ ఉంటుందట. ఈ సినిమాను నాని స్వయంగా నిర్మించబోతున్నారు.
తర్వాత, సాహో – OG ఫేమ్ సుజిత్ దర్శకత్వంలో పాన్ ఇండియా మూవీ చేయనున్నారు. ఇందులో నాని గ్యాంగ్ స్టర్ గా కనిపించబోతున్నారని సమాచారం.
ఈ ప్రాజెక్టును డివివి దానయ్య నిర్మించబోతున్నారు. ఇంకా, శ్రీకాంత్ ఓదెలతో కూడా నాని సినిమా చేయనున్నారు. ఈ ప్రాజెక్టు కూడా పాన్ ఇండియా రేంజ్ లో ఉండబోతుందని చెబుతున్నారు.
అలాగే, బలగం ఫేమ్ వేణుతో మరో సినిమా చేసేందుకు నాని సిద్ధమవుతున్నారు, కానీ ఇది ప్రారంభం కావడానికి కొంత సమయం పట్టే అవకాశం ఉంది.