మూవీడెస్క్: టాలెంటెడ్ హీరోగా మూడు హ్యాట్రిక్ హిట్స్ అందుకున్న నవీన్ పొలిశెట్టి ప్రస్తుతం ఏం చేస్తున్నారు అనే ప్రశ్న ఇప్పుడు అందరిలోనూ ఉంది.
‘ఏజెంట్ సాయి శ్రీనివాస్ ఆత్రేయ’, ‘జాతిరత్నాలు’, ‘మిస్ శెట్టి మిస్టర్ పొలిశెట్టి’ సినిమాలతో సక్సెస్ రుచిని చూసినప్పటికీ, ఆయన సినిమాల మధ్య గ్యాప్ మరీ ఎక్కువగా ఉంది.
అతను కేవలం సెలక్టివ్‌గా కథలు ఎంచుకుంటున్నాడనే టాక్ వినిపిస్తోంది. అంతే కాకుండా, గతంలో అనౌన్స్ చేసిన ‘అనగనగా ఒక రాజు’ సినిమాని పక్కన పెట్టాడనే వార్తలు కూడా పరిశ్రమలో చర్చనీయాంశమయ్యాయి.
ఈ చిత్రం కళ్యాణ్ శంకర్ దర్శకత్వంలో రూపొందుతుందని, అయితే స్క్రిప్ట్ విషయంలో నవీన్ పూర్తిగా సంతృప్తి చెందకపోవడం వల్ల ఈ ప్రాజెక్ట్ నిలిచిపోయినట్లు సమాచారం.
ఇప్పుడు కళ్యాణ్ ‘మ్యాడ్’ సక్సెస్ తర్వాత దాని సీక్వెల్ పై పని చేస్తున్నారు.
ఇదిలా ఉండగా, తాజా సమాచారం ప్రకారం, నవీన్ పొలిశెట్టి గీతా ఆర్ట్స్ 2 బ్యానర్ లో మరో కొత్త ప్రాజెక్ట్‌కి గ్రీన్ సిగ్నల్ ఇచ్చారని వినిపిస్తోంది.
‘ఆయ్’ ఫేమ్ అంజి మణిపుత్ర దర్శకత్వంలో రాబోయే ఈ సినిమా గోదావరి బ్యాక్ డ్రాప్ లో తెరకెక్కనుందని టాక్.
ఇటీవల గాయపడిన నవీన్ ప్రస్తుతం అమెరికాలో విశ్రాంతి తీసుకుంటున్నాడు, గాయం నుంచి కోలుకున్న తర్వాత ఈ ప్రాజెక్ట్ పై అధికారిక ప్రకటన రానుందని భావిస్తున్నారు.