జాతీయం: ఫాస్టాగ్ కొత్త రూల్స్ – లైట్ తీసుకుంటే ఇక డబుల్ చార్జ్!
ఫాస్టాగ్ వినియోగదారులకు కొత్త నియమాలు
దేశవ్యాప్తంగా టోల్ చెల్లింపులను క్రమబద్ధీకరించడానికి ఫాస్టాగ్ నియమాలలో కీలక మార్పులు వచ్చాయి. నేషనల్ పేమెంట్స్ కార్పొరేషన్ ఆఫ్ ఇండియా (NPCI) సిఫారసుల మేరకు, కేంద్ర రోడ్డు రవాణా & రహదారుల మంత్రిత్వ శాఖ ఈ మార్పులను 2025 ఫిబ్రవరి 17నుండి అమల్లోకి తెచ్చింది.
బ్లాక్‌లిస్ట్‌లోకి వెళ్లే ప్రమాదం
కొత్త నియమాల ప్రకారం, ఫాస్టాగ్‌లో తగినంత బ్యాలెన్స్‌ లేకుంటే అది స్వయంచాలకంగా బ్లాక్‌లిస్ట్‌లోకి వెళ్లే అవకాశం ఉంది. అలాగే, 60 నిమిషాల పాటు ఫాస్టాగ్ ఇన్‌యాక్టివ్‌గా ఉంటే దానిని టోల్ ప్లాజా వద్ద తిరస్కరిస్తారు.
‘ఎర్రర్ కోడ్ 176’
టోల్ గేట్ వద్ద స్కాన్ చేసిన 10 నిమిషాల లోపు ఫాస్టాగ్ యాక్టివ్ కాకపోతే ‘ఎర్రర్ కోడ్ 176’ అనే సందేశంతో లావాదేవీని తిరస్కరిస్తారు. ఈ నేపథ్యంలో, అదనపు పెనాల్టీగా డబుల్ టోల్ ఫీజు విధిస్తారు.
ఫాస్టాగ్ బ్లాక్‌లిస్ట్‌ కావడానికి మరిన్ని కారణాలు
- KYC వెరిఫికేషన్ పూర్తిగా లేకపోతే
- వాహనం ఛాసిస్ నంబర్ – రిజిస్ట్రేషన్ నంబర్ సరిపోలకపోతే
- గతంలో టోల్ చెల్లింపుల్లో తప్పిదాలు చోటుచేసుకుంటే
చివరి నిమిషంలో రీఛార్జ్ – ఇక వద్దు
ఇప్పటి వరకు టోల్ బూత్ వద్ద ఫాస్టాగ్ రీఛార్జ్ చేసుకుని ముందుకు వెళ్లే వీలుండేది. అయితే, కొత్త మార్గదర్శకాల ప్రకారం, టోల్ గేట్‌కు ముందే ఫాస్టాగ్ యాక్టివ్ ఉందో లేదో చెక్ చేసుకోవాల్సిందే.
అధిక వేగంతో పెరుగుతున్న ఫాస్టాగ్ లావాదేవీలు
NPCI తాజా డేటా ప్రకారం, 2024 డిసెంబర్‌లో ఫాస్టాగ్ లావాదేవీలు 6% పెరిగి 382 మిలియన్లకు చేరుకున్నాయి. మొత్తం ₹6,642 కోట్ల టోల్ ఫీజు వసూలు అయ్యింది.