మూవీడెస్క్: యంగ్ టైగర్ ఎన్టీఆర్ ప్రస్తుతం దేవర సక్సెస్‌లో ఫుల్ జోష్ లో ఉన్నాడు.
ఈ మూవీ వరల్డ్‌వైడ్‌గా 400 కోట్లకు పైగా వసూళ్లు సాధించగా, వీకెండ్ అనంతరం 500 కోట్ల క్లబ్‌లో చేరే అవకాశముంది.
అయితే, ఈ విజయం తర్వాత ఎన్టీఆర్ తన తదుపరి ప్రాజెక్ట్‌లపై ఫోకస్ చేస్తున్నాడు.
ప్రస్తుతం బాలీవుడ్‌లో వార్ 2 సినిమాలో నటిస్తున్న ఎన్టీఆర్, ప్రశాంత్ నీల్ డైరెక్షన్‌లో డ్రాగన్ షూటింగ్ ప్రారంభించనున్నారు.
ఇప్పటికే వెట్రిమారన్‌తో సినిమా ఉంటుందని ఎన్టీఆర్ కన్ఫర్మ్ చేశారు.
ఇప్పుడు మరో కోలీవుడ్ డైరెక్టర్ నెల్సన్ దిలీప్‌కుమార్ కూడా ఎన్టీఆర్‌తో సినిమా చేయడానికి సిద్ధమవుతున్నట్లు టాక్ వినిపిస్తోంది.
జైలర్ సూపర్ హిట్ తర్వాత నెల్సన్ ఎన్టీఆర్ కోసం అదిరిపోయే కథను సిద్ధం చేసినట్లు సమాచారం.
సితార ఎంటర్‌టైన్‌మెంట్స్ బ్యానర్‌లో ఈ ప్రాజెక్ట్ ఉండే అవకాశముంది.
ప్రస్తుతం నెల్సన్ జైలర్ 2 స్క్రిప్ట్‌పై పని చేస్తుండగా, ఈ సినిమా తర్వాత ఎన్టీఆర్‌తో ప్రాజెక్ట్ చేసే ప్లాన్‌లో ఉన్నారని ఇండస్ట్రీ వర్గాలు చెబుతున్నాయి.
ఈ ప్రాజెక్ట్ 2026లో సెట్స్‌పైకి వెళ్లే అవకాశమున్నట్లు సమాచారం.