ఈ వారం ఓటీటీ లో విడుదలకానున్న సినిమాలు ఇవే..

మూవీడెస్క్: నవంబర్ మూడో వారంలో థియేటర్స్ తో పాటు ఓటీటీ ప్లాట్‌ఫామ్స్ పై కూడా ప్రేక్షకుల్ని ఆకట్టుకునేందుకు పలు చిత్రాలు, సిరీస్‌లు సిద్ధమయ్యాయి.

థియేటర్లలో విడుదల అవుతున్న ముఖ్య చిత్రాలలో విశ్వక్ సేన్ ప్రధాన పాత్రలో నటించిన మెకానిక్ రాకీ ప్రధానంగా నిలుస్తోంది. 

నవంబర్ 22న విడుదల కానున్న ఈ యాక్షన్ ఎంటర్‌టైనర్‌లో మీనాక్షి చౌదరి, శ్రద్ధా శ్రీనాథ్ హీరోయిన్లుగా నటించారు.

అలాగే అశోక్ గల్లా, మానసా వారణాసి జంటగా నటించిన దేవకీ నందన వాసుదేవ కూడా నవంబర్ 22న థియేటర్లలో సందడి చేయబోతోంది. 

మరోవైపు కేశవ చంద్ర రామావత్ (KCR) రాకింగ్ రాకేష్ హీరోగా, గరుడ వేగ సినిమాటోగ్రాఫర్ అంజి దర్శకత్వంలో తెరకెక్కిన చిత్రం కూడా విడుదలకు సిద్ధంగా ఉంది.

ఇక ఓటీటీ ప్రేక్షకుల కోసం హాట్‌స్టార్, నెట్‌ఫ్లిక్స్, అమెజాన్ ప్రైమ్ వంటి ప్రముఖ ప్లాట్‌ఫామ్స్ పలు చిత్రాలు, సిరీస్‌లను అందించనున్నాయి. 

మలయాళీ సినిమా కిస్కింద కాండం నవంబర్ 19న డిస్నీ హాట్‌స్టార్‌లో విడుదల అవుతోంది.

అలాగే, ఏ మెన్ ఆన్ ది అవుట్ సైడ్ అనే కామెడీ సిరీస్ నెట్‌ఫ్లిక్స్‌లో నవంబర్ 21న స్ట్రీమింగ్ ప్రారంభం అవుతుంది.

అంతేకాకుండా, యుద్ధ నేపథ్యంలో తెరకెక్కిన బ్లీడ్జ్ చిత్రం నవంబర్ 22న ఆపిల్ టీవీ ద్వారా అందుబాటులోకి రానుంది.

మరోవైపు యే కాళీ కాళీ అంఖీన్ అనే హిందీ థ్రిల్లర్ సిరీస్ నవంబర్ 22న నెట్‌ఫ్లిక్స్‌లో విడుదల కాబోతోంది.