వేసవి సెలవులకు స్టార్ట్ అవుతున్నాయి. ఇక ఓటీటీ సంస్థలు ఈ వారం, వినోదప్రియులకు అసలైన ట్రీట్ అందించబోతున్నాయి. తెలుగు నూతన సంవత్సరాది, రంజాన్ పండుగల నేపథ్యంలో థియేటర్లలోనే కాదు… ఓటీటీ వేదికలపై కూడా రుచికరమైన కంటెంట్ ప్యాకేజ్ సిద్ధమైంది.
థియేటర్లలో ‘ఎల్‌2: ఎంపురాన్’, ‘రాబిన్‌హుడ్’, ‘వీర ధీర శూర’, ‘మ్యాడ్‌ స్క్వేర్’ వంటి బిజీ రీలీజులు ఉండగా… ఓటీటీల్లోనూ వినోదానికి కొదవే లేదు.
నెట్‌ఫ్లిక్స్‌లో మార్చి 26 నుంచి ‘మిలియన్‌ డాలర్ సీక్రెట్’ రియాల్టీ షో స్ట్రీమింగ్ కానుంది. అదే రోజున ‘ది ఎక్స్‌టార్డనరీ జర్నీ ఆఫ్ ది ఫకీర్’ సినిమాను ఆహాలో తెలుగులో విడుదల చేస్తున్నారు. ఆసక్తికరమైన ప్రయాణ నేపథ్యంతో కూడిన ఈ సినిమా ఫీల్ గుడ్ జానర్‌లో సాగనుంది.
మార్చి 27న అమెజాన్ ప్రైమ్ వీడియోలో హాలీవుడ్ మిస్టరీ థ్రిల్లర్ ‘హాలెండ్’ విడుదల కానుండగా, మార్చి 28న జీ5లో ‘విడుదల పార్ట్ 2’ హిందీలో రానుంది. దీని తొలి భాగానికి వచ్చిన స్పందన ఆధారంగా, ఈ సీక్వెల్‌పై ఆసక్తి నెలకొంది.
అలాగే జియో సినెమా హాట్‌స్టార్ వేదికగా మార్చి 26న ‘ముఫాసా: ద లయన్ కింగ్’ తెలుగు, హిందీ భాషల్లో స్ట్రీమింగ్ కానుంది. డిస్నీ ప్రిక్వెల్ క్రేజ్‌తో ఈ సినిమా ఫ్యామిలీ ఆడియన్స్‌కి హాట్ అట్రాక్షన్ కానుంది.