తెలంగాణ: భారత 76వ గణతంత్ర దినోత్సవం సందర్భంగా కేంద్ర ప్రభుత్వం ప్రకటించిన పద్మ అవార్డులపై తెలంగాణలో వివాదం రేగింది.
తెలంగాణకు చెందిన ప్రముఖ వైద్యుడు నాగేశ్వరరెడ్డికి పద్మ విభూషణ్, ఎమ్మార్పీఎస్ అధ్యక్షుడు మంద కృష్ణ మాదిగకు పద్మ శ్రీ అవార్డులు రావడం రాష్ట్రంలో ప్రశంసలు అందుకుంటున్నా, ముఖ్యమంత్రి రేవంత్ రెడ్డి కేంద్రంపై అసంతృప్తి వ్యక్తం చేశారు.
తెలంగాణకు నాలుగు అవార్డులు రావాల్సిందని పేర్కొన్న రేవంత్, గోరటి వెంకన్న, గద్దర్, అందెశ్రీ వంటి ప్రముఖులను తమ ప్రభుత్వం ప్రతిపాదించినప్పటికీ వారిలో ఎవరూ అవార్డు పొందలేదని ఆగ్రహం వ్యక్తం చేశారు.
ఈ విషయంలో కేంద్రం తెలంగాణను విస్మరించిందని ఆరోపించిన ఆయన, ఈ అంశంపై త్వరలోనే ప్రధానమంత్రి నరేంద్ర మోదీకి లేఖ రాసే ఆలోచనలో ఉన్నట్లు తెలిపారు.
రేవంత్ వ్యాఖ్యలపై కేంద్ర మంత్రి బండి సంజయ్ ఘాటుగా స్పందించారు. గద్దర్‌కు అవార్డు ఇవ్వడం సాధ్యమే కాదని, గతంలో అనుసరించిన భావజాలంపై పలు ఆరోపణలు చేశారు. బండి సంజయ్ వ్యాఖ్యలతో పద్మ అవార్డుల వివాదం తెలంగాణలో రాజకీయం వేడెక్కించేలా కనిపిస్తోంది.
Tags: padma awards telangana, revant reddy response, bandi sanjay statements, gaddar controversy, telangana politics