మూవీడెస్క్: కేంద్ర ప్రభుత్వం నందమూరి బాలకృష్ణకు పద్మభూషణ్ అవార్డును ప్రకటించడంతో నందమూరి అభిమానులు ఆనందంలో మునిగిపోయారు.
సినీ ఇండస్ట్రీ నుండి రాజకీయ వర్గాల వరకు బాలయ్యకు అభినందనలు వెల్లువెత్తాయి.
ఈ గౌరవం నందమూరి అభిమానులకు గర్వకారణంగా నిలిచింది.
ఈ సందర్భంగా బాలయ్య నటిస్తున్న తాజా చిత్రం అఖండ 2 టీమ్ ప్రత్యేకంగా సెలబ్రేషన్ నిర్వహించింది.
సినిమా దర్శకుడు బోయపాటి శ్రీను, 14 రీల్స్ ప్లస్ నిర్మాతలు, ఇతర యూనిట్ సభ్యులు బాలకృష్ణకు పుష్పగుచ్ఛం అందించి శుభాకాంక్షలు తెలిపారు.
అనంతరం బాలయ్యతో కేక్ కట్ చేయించి ఈ విజయాన్ని మరింత స్పెషల్‌గా మార్చారు.
అఖండ 2 సెట్స్‌లో జరిగిన ఈ సెలబ్రేషన్ వీడియోను టీమ్ సభ్యులు విడుదల చేయడంతో అభిమానుల్లో ఆనందం మరింత పెరిగింది.
ఈ వీడియోలో బాలయ్యను టీమ్ సభ్యులు ఘనంగా అభినందిస్తున్న దృశ్యాలు అభిమానులను ఆకట్టుకున్నాయి.
బాలయ్యకు దక్కిన ఈ గౌరవాన్ని వారు మురిపెంగా సెలబ్రేట్ చేయడం ఎంతో ప్రత్యేకంగా నిలిచింది.
అఖండ 2పై భారీ అంచనాలు ఉన్న ఈ సమయంలో బాలయ్యకు వచ్చిన ఈ గౌరవం సినిమాకు మరింత క్రేజ్ తీసుకురావడం ఖాయమని సినీ విశ్లేషకులు అభిప్రాయపడుతున్నారు.
బోయపాటి దర్శకత్వంలో రూపొందుతున్న ఈ చిత్రం మరోసారి బాలయ్య స్టామినాను నిరూపించనుందని అందరూ ఆశిస్తున్నారు.