పవన్ కళ్యాణ్ సినిమా లైన్‌లో ఉందంటే, అసలైన డౌట్ ఇదేనా అనేలా ఇప్పుడు ఇండస్ట్రీలో చర్చ సాగుతోంది. సురేందర్ రెడ్డి దర్శకత్వంలో తెరకెక్కాల్సిన పవన్ ప్రాజెక్ట్‌కి సంబంధించిన హైప్ ఒక్క పోస్టర్‌తో బజ్ పెంచినా, ఆ తర్వాత ఎలాంటి డెవలప్‌మెంట్ లేకుండా నాలుగేళ్లు గడిచిపోయాయి. దీంతో ఈ సినిమా జరిగే అవకాశాలపై అనుమానాలు మొదలయ్యాయి.
ఎస్‌ఆర్‌టీ ఎంటర్‌టైన్‌మెంట్స్‌ బ్యానర్‌పై రామ్ తల్లూరి ఈ సినిమాను నిర్మించాల్సి ఉండగా, పవన్‌కు అడ్వాన్స్ కూడా ఇచ్చినట్టు స్వయంగా నిర్మాత చెప్పిన విషయం తెలిసిందే. అయితే పవన్ OG, హరిహర వీరమల్లు, భగత్ సింగ్ సినిమాల‌తో పాటు రాజకీయ ప్రాధాన్యతలతో బిజీగా ఉండటం వల్ల డేట్స్ ఖరారు చేయలేదు. దీంతో ప్రాజెక్ట్ పూర్తిగా నిలిచిపోయింది.
ఈ నేపథ్యంలో మేకర్స్ కథను మార్చకుండా కొత్త హీరోతోనే సినిమాను తీసుకెళ్లే ఆలోచనలో ఉన్నట్టు టాక్. అయితే కథలో పవన్ మాస్ ఇమేజ్‌కు అనుగుణంగా ఉన్న ఎలిమెంట్స్ కావడంతో, కొత్త హీరో ఎంపికపై జాగ్రత్తగా పరిశీలిస్తున్నారట. ఇదిలా ఉంటే, దర్శకుడు సురేందర్ రెడ్డి మరో ప్రాజెక్ట్ ‘రేసర్’పై పని మొదలుపెట్టడం కూడా ఈ ప్రాజెక్ట్‌కి క్లారిటీ లేకపోవడానికి కారణంగా మారింది.