ఏపీ: ఉప ముఖ్య‌మంత్రి ప‌వ‌న్ క‌ల్యాణ్ పిఠాపురం నియోజ‌క‌వ‌ర్గంలో రెండురోజుల ప‌ర్య‌ట‌న‌కు సిద్ధ‌మ‌య్యారు. గ‌త 15 రోజుల్లోనే రెండ‌వ సారి పిఠాపురంలో ప‌వ‌న్ ప‌ర్య‌ట‌న ప్రాధాన్యం సంత‌రించుకుంటోంది. అధికారిక కార్య‌క్ర‌మాల‌తో పాటు ఈ ప‌ర్య‌ట‌న వెనుక మరో కీల‌క కార‌ణం కూడా ఉంద‌ని తెలుస్తోంది.
పిఠాపురంలో టీడీపీ, జ‌న‌సేన నాయ‌కుల మ‌ధ్య పెరుగుతున్న విభేదాల‌ను స‌ర్దుబాటు చేయ‌డం, వారిని ఐక్యంగా న‌డిపించ‌డం ప‌వ‌న్ ముఖ్య ఉద్దేశ్యం.
ఇటీవ‌ల టీడీపీ మాజీ ఎమ్మెల్యే వ‌ర్మ‌పై జ‌రిగిన దాడులు, మ‌రోవైపు జ‌న‌సేన నాయ‌కులు వ్య‌క్తించిన అసంతృప్తి టీడీపీ-జ‌న‌సేన మ‌ధ్య స‌ఖ్య‌త‌ను బలహీనపరిచాయి.
ఇరు పార్టీల మ‌ధ్య చెల‌రేగుతున్న ఈ వివాదాల నేప‌థ్యంలో ప‌వ‌న్ క‌ల్యాణ్ ప‌ర్య‌ట‌న ప‌రిష్కార‌క‌రంగా మార‌నుంది. సోమ‌వారం నుంచి రెండు రోజుల పాటు ఆయ‌న పిఠాపురంలోనే బ‌స చేసి, నాయ‌కుల‌తో స‌మావేశాలు నిర్వ‌హించ‌నున్నారు.
మిత్ర‌ప‌క్షాల ఐక్య‌త‌ను ప్రాముఖ్య‌త‌నిచ్చేలా ప‌వ‌న్ క‌ల్యాణ్ కీల‌క మార్గ‌ద‌ర్శ‌కాలు జారీ చేయ‌నున్నారు. టీడీపీ, జ‌న‌సేన నేత‌ల‌కు స‌ఖ్య‌త‌ను పెంచుతూ, పాల‌న‌పై స‌హ‌కారాన్ని క‌ల్పించాల‌ని ప‌వ‌న్ సూచించ‌నున్నారు. దీనివ‌ల్ల పిఠాపురంలో రాజకీయ పరిస్థితులు స‌ర్దుకోవ‌డానికి మార్గం త‌యార‌వుతుంద‌నే ఆశ‌లు పెరుగుతున్నాయి.