మూవీడెస్క్: ఇటీవల ప్రభాస్-హను రాఘవపూడి, ఇమాన్వి కాంబోలో రాబోతున్న హిస్టారికల్ లవ్ స్టోరీ 1940ల యుద్ధం నేపథ్యంలో రాబోతున్నట్లు క్లారిటీ ఇచ్చేశారు.
ఈ ప్రాజెక్ట్‌లో నటించే హీరోయిన్ గురించి కొన్నాళ్లుగా పలు ఊహాగానాలు వినిపిస్తున్నాయి. మృణాల్ ఠాకూర్, ఆలియా భట్ పేర్లు వినిపించినప్పటికీ, చివరికి అందరినీ ఆశ్చర్యపరుస్తూ ఇమాన్వి ఇస్మాయిల్ ఈ ప్రాజెక్ట్‌లో హీరోయిన్‌గా ఎంపికైనట్లు అధికారికంగా వెల్లడైంది.
ఓపెనింగ్ కార్యక్రమంలో ప్రభాస్‌తో కలిసి దర్శనమిచ్చిన ఇమాన్వి, అప్పటి నుంచి సోషల్ మీడియాలో సడన్ సెన్సేషన్‌గా మారింది.
ఆమె పిక్స్, డ్యాన్స్ వీడియోలు ట్రెండ్ అవుతూ, నెట్టింట పెద్ద హాట్ టాపిక్‌గా మారాయి. ఆమె స్మైల్, ఫ్రెష్ లుక్‌లతో నెటిజన్లు, ప్రభాస్ ఫ్యాన్స్ ఫిదా అవుతున్నారు.
ఇమాన్వి బ్యాక్‌గ్రౌండ్ గురించి తెలుసుకోవాలనే ఆసక్తితో నెటిజన్లు తెగ వెతికేస్తున్నారు. ఇమాన్వి, డిల్లీకి చెందిన సోషల్ మీడియా ఇన్ఫ్లుయెన్సర్.
వెస్ట్రన్ డాన్స్, కూచిపూడి, భరతనాట్యం వంటి వివిధ కళారూపాల్లో ప్రావీణ్యం కలిగి ఉన్న ఆమె, ట్రెండింగ్ సాంగ్స్‌కు రీల్స్ చేస్తూ ఇన్స్టాగ్రామ్‌లో మంచి పాపులారిటీ తెచ్చుకుంది.
ఆమె ఎక్స్‌ప్రెషన్స్, డ్యాన్స్ టాలెంట్ ఇప్పటికే లక్షలాదిమంది ఫాలోవర్లను సంపాదించుకునేలా చేశాయి. తాజాగా టాలీవుడ్‌లో అడుగుపెడుతున్న ఈ బ్యూటీకి, తొలి సినిమాతోనే సూపర్ స్టార్స్‌తో కలిసి నటించే ఛాన్స్ రావడం విశేషం.
సినిమా రిలీజ్ అయిన తర్వాత ఇమాన్వి క్రేజ్ ఎంతవరకు పెరుగుతుందో చూడాలి. హను రాఘవపూడి దర్శకత్వంలో ఈ యంగ్ బ్యూటీ ఎంత మేరకు ప్రేక్షకులను ఆకట్టుకుంటుందో కూడా ఆసక్తిగా ఎదురుచూస్తున్నారు.