మూవీడెస్క్: యంగ్ రెబల్ స్టార్ ప్రభాస్ మరియు నేచురల్ స్టార్ నాని, ఇద్దరూ టాలీవుడ్‌లో తమదైన శైలిలో నిలుస్తూ ముందుకు సాగుతున్నారు.
ప్రభాస్, బాహుబలి తర్వాత పాన్ ఇండియా రేంజ్‌కి చేరుకుని, భారీ బడ్జెట్ సినిమాలతో మార్కెట్‌ను కదిలిస్తున్నాడు.
అతని సినిమాలు 300-500 కోట్ల బడ్జెట్‌లో తెరకెక్కడం నేటి సినీ పరిశ్రమలో సాధారణం అయింది. అదిపురుష్ వంటి డిజాస్టర్ అయినా కూడా ప్రభాస్ సినిమాలు 450 కోట్లకు పైగా వసూళ్లు సాధించడం అతని ఇమేజ్‌కి ప్రతీకగా నిలుస్తుంది.
ఇక, సలార్, కల్కి 2898ఏడీ వంటి చిత్రాలతో ప్రభాస్ 2000 కోట్లకు పైగా కలెక్షన్స్ సాధించి తన స్థాయిని మరింత పెంచుకున్నాడు.
అతని సినిమాలు డిస్టిబ్యూటర్స్ మరియు థియేటర్ యజమానుల కోసం భరోసా ఇస్తున్నాయి. మరోవైపు, నాని కూడా తన స్థాయిలో విభిన్నమైన కథలను ఎంచుకుని, ప్రతి ఏడాది కనీసం రెండు సినిమాలను ప్రేక్షకుల ముందుకు తీసుకొస్తున్నాడు.
దసరా, హాయ్ నాన్న వంటి సినిమాలు 2023లో బ్లాక్‌బస్టర్‌గా నిలిచాయి. ఇప్పుడు సరిపోదా శనివారం మరో బిగ్ హిట్ గా నికిచే అవకాశం ఉంది.
నాని సినిమాలు విభిన్న జానర్‌లలో ఉండటం, మరియు మార్కెట్‌లో 40-100 కోట్ల వరకూ వసూళ్లు సాధించడం వల్ల, థియేటర్ యజమానులు అతని సినిమాలను నమ్మకంగా భావిస్తున్నారు.
ప్రభాస్ పాన్ ఇండియా హీరోగా నిలుస్తూ, భారీ బడ్జెట్ సినిమాలను అందిస్తే, నాని తన సొంత శైలిలో విభిన్నమైన కథలను ఎంచుకుని, టాలీవుడ్‌కి స్థిరమైన విజయాలను అందిస్తున్నారు.
వీరిద్దరు తెలుగు సినిమా పరిశ్రమలో కీలక పాత్రలు పోషిస్తున్నారని చెప్పవచ్చు.