మూవీడెస్క్: ప్రభాస్ – ప్రశాంత్ వర్మ! టాలెంటెడ్ డైరెక్టర్ ప్రశాంత్ వర్మ, హనుమాన్ సినిమాతో దేశవ్యాప్తంగా ప్రాచుర్యం పొందారు.
తన సినిమాటిక్ యూనివర్స్‌లో మరిన్ని ప్రాజెక్టులను లైన్‌లో పెట్టి, కొన్ని తన శిష్యులతో డైరెక్ట్ చేయిస్తుండగా, మరికొన్నింటిని స్వయంగా డైరెక్ట్ చేస్తున్నారు.
రీసెంట్‌గా విడుదలైన జై హనుమాన్ ఫస్ట్ లుక్‌కి మంచి స్పందన లభించింది.
ఇప్పుడీ క్రమంలో ప్రభాస్‌తో తన తదుపరి ప్రాజెక్ట్ చేయాలని ప్రశాంత్ వర్మ ప్లాన్ చేస్తున్నారని టాక్.
ప్రభాస్ కోసం ప్రత్యేకంగా ‘బ్రహ్మ రాక్షస’ అనే కాన్సెప్ట్‌ను డెవలప్ చేసి నేరేట్ చేశారట.
అయితే ఈ ప్రాజెక్ట్ పైన ప్రభాస్ ఇంకా ఎలాంటి నిర్ణయం తీసుకోలేదు.
జై హనుమాన్ సక్సెస్ అయిన తర్వాతే ప్రభాస్‌తో ఈ సినిమా మొదలయ్యే అవకాశాలు ఉన్నాయని ఇండస్ట్రీ వర్గాలు భావిస్తున్నాయి.
ఇప్పటి వరకు ఈ కథను రణవీర్ సింగ్ కోసం అనుకున్నప్పటికీ, క్రియేటివ్ డిఫరెన్స్ కారణంగా ఆ ప్రాజెక్ట్ ఆగిపోయింది.
ఇప్పుడు అదే కథను ప్రభాస్ కోసం రూపకల్పన చేస్తున్నట్లు సమాచారం.
ప్రశాంత్ వర్మ ప్రస్తుతం నందమూరి మోక్షజ్ఞ డెబ్యూ మూవీతో పాటు, తన సినిమాటిక్ యూనివర్స్‌లో భాగమైన మరిన్ని ప్రాజెక్టులపై దృష్టి పెట్టారు.
అతని ప్రాజెక్టుల సక్సెస్ ఆధారంగా, ప్రభాస్ ఈ సినిమా చేయాల అనే నిర్ణయం తీసుకుంటారని తెలుస్తోంది.