పాన్ ఇండియా స్టార్ ప్రభాస్ ప్రస్తుతం పలు ప్రాజెక్టులతో బిజీగా ఉన్నారు. ప్రస్తుతం ‘రాజా సాబ్’ అనే సినిమా మారుతి దర్శకత్వంలో చేస్తున్న ప్రభాస్, నవంబర్ చివరి నాటికి ఈ సినిమా షూటింగ్ పూర్తి చేయనున్నారు.
తర్వాత హను రాఘవపూడి దర్శకత్వంలో రూపొందుతున్న పీరియాడికల్ యాక్షన్ డ్రామా ‘ఫౌజీ’ షూటింగ్‌లో పాల్గొనబోతున్నారు. ఈ ప్రాజెక్టులు ముగిసిన వెంటనే, సందీప్ రెడ్డి వంగా దర్శకత్వంలో భారీ యాక్షన్ ఎంటర్టైనర్ ‘స్పిరిట్’ లో నటించనున్నారు.
తాజా సమాచారం ప్రకారం, ఈ చిత్రం ముంబై నగరంలోని డ్రగ్ మాఫియాపై ఓ శక్తివంతమైన కథాంశంతో ఉండబోతోందట. దేశంలో యువత డ్రగ్స్‌కి బలవుతోన్న సమయంలో, వారిని రక్షించేందుకు హీరో రంగంలోకి దిగుతాడట. ఈ కథ ప్రభాస్ పాత్రను మరింత పవర్ఫుల్ చూపించనుంది. సినిమాల్లో పోలీస్ పాత్రలకు మంచి డిమాండ్ ఉండటంతో, ప్రభాస్ స్టైలిష్ లుక్‌లో కనిపిస్తారని సమాచారం.
సినిమాలో ఆయన యాక్షన్ సీక్వెన్సులు ప్రధాన ఆకర్షణగా నిలవనున్నాయి. ఈ పాన్ ఇండియా ప్రాజెక్టు భారీ బడ్జెట్‌తో రూపొందిస్తున్నారు. ‘స్పిరిట్’ టీ సిరీస్ మరియు భద్రకాళి పిక్చర్స్ బ్యానర్లపై నిర్మితమవుతోంది.