టాలీవుడ్: పాన్ ఇండియా హీరో ప్రభాస్ లైన్ అప్ లో ఉన్న మరో క్రేజీ పాన్ ఇండియా సినిమా ‘సలార్’. కేజీఎఫ్ డైరెక్టర్ ప్రశాంత్ నీల్ దర్శకత్వంలో ఈ సినిమా రూపొందబోతుంది. కేజీఎఫ్ తర్వాత దర్శకుడు ప్రశాంత్ నీల్ కి కూడా మంచి డిమాండ్ పెరిగింది. వీళ్లిద్దరి కాంబినేషన్ లో ఇదివరకే ‘సలార్’ అనే సినిమాని రూపొందించబోతున్నట్టు ప్రకటించి ఫస్ట్ లుక్ కూడా విడుదల చేసారు. ఈరోజు ఈ సినిమా పూజ కార్యక్రమాలు ప్రారంభించి సినిమా పనులని మెల్లి మెల్లిగా మొదలు పెట్టబోతున్నారు.
ప్రస్తుతం ప్రశాంత్ నీల్ తాను చేస్తున్న ‘కేజీఎఫ్ చాప్టర్ 2 ‘ షూటింగ్ పూర్తి చేసి పోస్ట్ ప్రొడక్షన్ పనుల్లో నిమగ్నం అయ్యాడు. ఈ సినిమాని వేసవి వరకు విడుదల చేసే ప్లాన్ లో ఉన్నాడు డైరెక్టర్ ప్రశాంత్ నీల్. ప్రభాస్ కూడా జిల్ డైరెక్టర్ రాధా కృష్ణ తో ‘రాధే శ్యామ్’ సినిమాని పూర్తి చేసే పనిలో పడ్డాడు. వీళ్లిద్దరి ప్రస్తుత సినిమాలు షూటింగ్ పార్ట్ త్వరగా ముగించి తర్వాత ప్రాజెక్ట్ లలోకి దూసుకేల్దామని చూస్తున్నారు. ప్రస్తుతం ప్రభాస్ ఈ ఒక్క సినిమానే కాకుండా ఆదిపురుష్, నాగ్ అశ్విన్ తో మరో సినిమా ఇలా ఒక సినిమా పూర్తి చేసి మూడు సినిమాలు షూటింగ్ కోసం ఎదురు చూస్తున్నాయి. ఈరోజు జరిగిన పూజ కార్యక్రమానికి కేజీఎఫ్ హీరో రాకింగ్ స్టార్ ‘యష్’ వచ్చి ప్రభాస్ కి బెస్ట్ విషెస్ తెలియచేసాడు.