మూవీడెస్క్: కేజీఎఫ్ సిరీస్‌తో దేశవ్యాప్తంగా గుర్తింపు తెచ్చుకున్న దర్శకుడు ప్రశాంత్ నీల్, తన భవిష్యత్తు ప్రాజెక్టులతో ఇండస్ట్రీని మరో స్థాయికి తీసుకెళ్లే ప్రయత్నంలో ఉన్నాడు.
కేజీఎఫ్-2 భారీ హిట్ కావడంతో నీల్‌కు పాన్-ఇండియా స్థాయిలో క్రేజ్ పెరిగింది. ఆ సినిమా రూ.1200 కోట్లకు పైగా వసూలు చేయగా, ప్రశాంత్ నీల్ దర్శకత్వం మరోసారి సంచలనంగా మారింది.
ప్రస్తుతం ఎన్టీఆర్ మూవీతో బిజీగా ఉన్న నీల్, ఈ చిత్రం పూర్తయ్యాక నెక్స్ట్ లెవెల్ ప్రాజెక్టులపై దృష్టి సారించాడు.
ఎన్టీఆర్ సినిమాను 2026 సంక్రాంతికి విడుదల చేయాలనే లక్ష్యంతో స్క్రిప్ట్ వర్క్ పూర్తి చేశారు.
ఇక సలార్-2 అనే సీక్వెల్‌ను 2027 సమ్మర్‌లో విడుదల చేయాలని ప్లాన్ చేస్తున్నారు.
కేజీఎఫ్-3 కూడా నీల్ లైనప్‌లో ఉండటంతో యష్ ఫ్యాన్స్ కోసం మరో సంచలనాన్ని అందించనున్నారు. అంతేకాదు, రామ్ చరణ్‌తో కూడా ఒక ప్రాజెక్ట్ ప్లాన్ చేశారు.
డీవీవీ దానయ్య ఈ ప్రాజెక్ట్‌ని భారీ బడ్జెట్‌తో నిర్మించనున్నట్లు సమాచారం. ఈ సినిమా 2029 లేదా 2030లో సెట్స్‌పైకి వెళ్తుందనే ప్రచారం జరుగుతోంది.
మొత్తానికి ప్రశాంత్ నీల్ తన తదుపరి ప్రాజెక్టులతో వరుసగా స్టార్ హీరోలతో కోలీవుడ్, టాలీవుడ్, బాలీవుడ్ ప్రేక్షకులను మంత్రముగ్ధులను చేయనున్నారు.