మూవీడెస్క్: టాలీవుడ్ నిర్మాత నాగవంశీ సినీ ఇండస్ట్రీలోకి సంబంధించి స్పష్టమైన అభిప్రాయాలు వ్యక్తం చేస్తుంటారు.
తాజాగా, టికెట్ ధరల పెంపు అంశంపై ఆయన మాట్లాడిన మాటలు ఆసక్తికరంగా మారాయి.
సినిమా ఖర్చు, బయ్యర్లకు అమ్మిన రేటు ఆధారంగా టికెట్ ధరలు నిర్ణయించబడతాయని, ఇది పూర్తిగా నిర్మాతల వ్యూహంగా ఉంటుందని వంశీ అన్నారు.
“సినీ ప్రియులను ఇబ్బంది పెట్టాలనే ఉద్దేశం ఎవరికి ఉండదు” అని స్పష్టం చేశారు.
పుష్ప 2, దేవర, కల్కి లాంటి పాన్ ఇండియా చిత్రాలకు హై బడ్జెట్ కావడంతో టికెట్ ధరలను పెంచుకోవాల్సిన అవసరం ఉందని ఆయన అభిప్రాయపడ్డారు.
ప్రతి సినిమాలో ఖర్చు, రేటు ఆధారంగా ధరలు మారుతాయని, ఇది పరిశ్రమలో సాధారణం అని ఆయన తెలిపారు.
టికెట్ ధరల పెంపు చాలా అరుదుగా జరుగుతుందని, 2024లో కేవలం మూడు సినిమాలకే టికెట్ రేట్లు పెరిగాయని గుర్తు చేశారు.
అలా అని ప్రతి చిన్న సినిమాకు ఇలాగే చేయాలని ఎవరు అనుకోవడంలేదని ఆయన చెప్పారు.
అందుకే టికెట్ ధరలపై జరుగుతున్న విమర్శలపై కొంత స్పష్టత రావాలని సూచించారు.
అదేవిధంగా, తన ప్రాజెక్టుల గురించి కొత్త అప్డేట్లు ఇచ్చారు.
విజయ్ దేవరకొండ సినిమా మార్చి 28న విడుదల కానుందని, అలాగే బాలకృష్ణతో రూపొందుతున్న డాకు మహారాజ్ సినిమాలో డెకాయిట్‌గా బాలయ్య కొత్త లుక్‌లో కనిపిస్తారని చెప్పారు.
సినిమాలపై ఆయన ఇచ్చిన ఈ కామెంట్స్ ప్రస్తుతం వైరల్‌గా మారాయి.