మూవీడెస్క్: ఐకాన్ స్టార్ అల్లు అర్జున్ నటించిన పుష్ప 2: ది రూల్ డిసెంబర్ 5న గ్రాండ్ రిలీజ్‌కి సిద్ధమవుతున్న విషయం తెలిసిందే.
దేశవ్యాప్తంగా ఈ చిత్రానికి సంబంధించి అడ్వాన్స్ బుకింగ్స్ మొదలైపోయాయి.
తెలంగాణలో మేకర్స్ స్పెషల్ షోలకు, టికెట్ రేట్ల పెంపుకు అనుమతి కోరగా ప్రభుత్వం ఆమోదం తెలిపింది.
తెలంగాణలో డిసెంబర్ 4న రాత్రి 9:30కి ప్రత్యేక షోలు ప్రారంభమవుతాయి.
అర్ధరాత్రి 1 గంట, ఉదయం 4 గంటలకు కూడా షోలు వేసేందుకు అనుమతి ఇచ్చారు. డిసెంబర్ 4న బెనిఫిట్ షో టికెట్ రేట్లు భారీగా ఉండబోతున్నాయి.
సింగిల్ స్క్రీన్ టికెట్ రూ.1000కి చేరుకోగా, మల్టీప్లెక్స్ టికెట్ ధర రూ.1200కు పైగా ఉండే అవకాశం ఉంది.
డిసెంబర్ 5 నుంచి 8 వరకు టికెట్ రేట్లు సింగిల్ స్క్రీన్స్‌లో రూ.150, మల్టీప్లెక్స్‌లో రూ.200 అదనంగా పెరుగుతాయి. ఆ తర్వాతి వారంలో ఈ పెంపు కొంత తగ్గనుంది.
బుక్ మై షో, పేటీఎమ్ వంటి టికెట్ బుకింగ్ యాప్స్‌లో పుష్ప 2పై ఇప్పటికే అభిమానుల ఉత్సాహం జోరుగా కనిపిస్తోంది.
బుక్ మై షోలో తొలి గంటలోనే 8 వేల టిక్కెట్లు హిందీ వెర్షన్‌కి అమ్ముడవ్వడం రికార్డుల దిశగా అడుగులుగా చెప్పవచ్చు.
1.4 మిలియన్ల మంది ఈ సినిమాపై ఆసక్తి చూపారు. పేటీఎమ్, డిస్ట్రిక్ట్ యాప్స్‌లో పుష్ప 2 కల్కి రికార్డును బద్దలు కొట్టింది.
సినీ విశ్లేషకులు తెలుగు రాష్ట్రాల్లో బుకింగ్స్ ప్రారంభం తర్వాత ఈ క్రేజ్ మరింత పెరుగుతుందని అంటున్నారు.
టికెట్ రేట్లపై భారీ డిమాండ్ ఉండటంతో థియేటర్ల వద్ద పుష్ప 2 (Pushpa 2) జాతర మొదలయ్యే సమయం దగ్గరపడింది.