మూవీడెస్క్: ఐకాన్ స్టార్ అల్లు అర్జున్ ప్రధాన పాత్రలో నటిస్తున్న పుష్ప 2: ది రూల్ సినిమా షూటింగ్ మూడేళ్లుగా కొనసాగుతోంది.
ఆగష్టు 15న విడుదల కావాల్సిన ఈ సినిమా, షూటింగ్ ఆలస్యంతో డిసెంబర్ 6కి వాయిదా పడింది. అయితే, ఈ ఆలస్యానికి సంబంధించిన రూమర్లు తెగ హల్‌చల్‌ చేస్తున్నాయి.
సినిమా ఆలస్యానికి కారణాలను బయటపెట్టిన (అల్లు అర్జున్ సన్నిహితుడు) బన్నీ వాస్, దర్శకుడు సుకుమార్ కథలో పలు మార్పులు చేర్పులు చేసి, మరింత కొత్త అనుభవం అందించే ప్రయత్నం చేశారని చెప్పారు.
పుష్ప 1 సక్సెస్ తాలూకా ప్రెజర్‌తో, సీక్వెల్‌ను కూడా అదే స్థాయిలో ఉండేలా తీర్చిదిద్దాలని సుకుమార్ యత్నించారన్నారు.
మరింత యూనివర్సల్‌గా ప్రేక్షకులను ఆకట్టుకునేలా స్క్రిప్ట్‌ని మార్చడం వల్లే ఆలస్యం జరిగిందని బన్నీ వాస్ చెప్పారు.
ప్రస్తుతం ఎడిటింగ్ పనులు జరుగుతున్నాయని, లోటుపాట్లు ఉన్న చోట సుకుమార్ మరలా షూటింగ్ మొదలు పెడతారని వెల్లడించారు.
ఫ్యాన్స్‌కి గర్వపడేలా పుష్ప 2 సినిమా రూపొందుతుందని బన్నీ వాస్ ధీమా వ్యక్తం చేశారు.