మూవీడెస్క్: ఐకాన్ స్టార్ అల్లు అర్జున్ హీరోగా, సుకుమార్ దర్శకత్వంలో తెరకెక్కిన మోస్ట్ అవైటెడ్ చిత్రం పుష్ప 2 ట్రైలర్ విడుదలైంది.
ట్రైలర్ చూసిన ప్రతి ఒక్కరూ సినిమాలో ఉండబోయే ఇంటెన్స్ డ్రామా, ట్విస్ట్‌ల గురించి ఆసక్తిగా ఎదురు చూస్తున్నారు.
ముఖ్యంగా ట్రైలర్‌లో కనిపించిన అరగుండు విలన్ క్యారెక్టర్ అందరి దృష్టిని ఆకర్షించింది.
ఈ పాత్రలో కన్నడ నటుడు తారక్ పొన్నప్ప మెడలో చెప్పుల దండతో, అరగుండు లుక్‌లో చాలా డిఫరెంట్‌గా కనిపించాడు.
అతని గెటప్‌నే కాదు, ఇంటెన్స్ ఎక్స్‌ప్రెషన్స్ కూడా ప్రత్యేకంగా నిలిచాయి.
ఈ పాత్రకి కథలో కీలక ప్రాధాన్యత ఉందని, ఇది పుష్పరాజ్ జీవితంలో పెద్ద మార్పు తెచ్చే క్యారెక్టర్ అని తారక్ ఇటీవల ఇంటర్వ్యూలో వెల్లడించాడు.
ఈ పాత్ర పాజిటివ్, నెగిటివ్ షేడ్స్ కలిగినదని చెప్పడం మరింత ఆసక్తిని పెంచింది.
తారక్ పొన్నప్ప ఇప్పటి వరకు చేసిన పాత్రలలో, దేవర సినిమాలో అతని నెగిటివ్ రోల్ విశేషమైన ప్రశంసలు అందుకుంది.
ఇక ఇప్పుడు పుష్ప 2 లోనూ అతని పాత్ర ట్రైలర్ ద్వారా ప్రేక్షకులలో క్యూరియాసిటీని పెంచింది.
సుకుమార్ ఈ పాత్ర ద్వారా కొత్తగా ప్రయోగం చేస్తున్నట్లు అనిపిస్తోంది.
ఇదిలా ఉంటే, పుష్ప 2 ట్రైలర్ యూట్యూబ్‌లో రికార్డ్ వ్యూస్‌ తో దూసుకుపోతోంది.
అల్లు అర్జున్, ఫాహద్ ఫాజిల్, రష్మిక మందన, జగపతిబాబు వంటి నటుల క్యారెక్టర్లకు సంబంధించి ఆసక్తికరమైన క్లూజ్‌లు ట్రైలర్‌లో కనిపించాయి.
అరగుండు విలన్ పాత్ర సినిమాపై మరింత హైప్ తీసుకొచ్చిందని చెప్పడంలో సందేహమే లేదు.