చెన్నై: సూపర్ స్టార్ రజనీకాంత్ తన జీవితాన్నే ఆధారంగా తీసుకుని ఆత్మకథ రాయబోతున్నారని సోషల్ మీడియాలో వార్తలు చక్కర్లు కొడుతున్నాయి. ప్రస్తుతం “కూలీ” మరియు “జైలర్” చిత్రాల షూటింగ్‌లతో బిజీగా ఉన్న రజనీకాంత్, ఈ సినిమాలు పూర్తైన తర్వాత తన ఆత్మకథపై పని చేయనున్నట్లు ప్రచారం జరుగుతోంది.
అయితే, ఈ విషయంపై రజనీకాంత్ టీమ్ నుంచి ఇంకా ఎటువంటి అధికారిక ప్రకటన రాలేదు. అయితే రజనీకాంత్ తన ఆత్మకథ రాయబోతున్నారని వినిపిస్తున్న వార్తే ఆయన అభిమానుల్లో ఉత్సాహాన్ని నింపుతోంది. పొలిటికల్ వివాదాలు కొన్ని ఆయన జీవితంలో ఉన్నాయి.
ఇక పాలిటిక్స్ లోకి రావాలి అనుకున్న ఆయన చాలాసార్లు వెనుకడు వేయడానికి గల కారణాలను కూడా బయటపెట్టె అవకాశం ఉంది.
ఇక రజనీకాంత్ జీవిత గమనం ఎంతో నిరాడంబరంగా సాగినప్పటికీ, ఆయన సాధించిన విజయాలు అద్భుతమైనవి. బస్ కండక్టర్‌గా జీవితాన్ని ప్రారంభించిన రజనీకాంత్, ఓ స్నేహితుడి సలహాతో సినిమా రంగంలోకి అడుగుపెట్టి సూపర్ స్టార్‌గా ఎదిగారు.
ఆయన కేవలం దక్షిణాది చిత్రాలతోనే కాకుండా హిందీ సినిమాలతోనూ ప్రేక్షకులను అలరించారు. జపాన్ వంటి దేశాల్లోనూ ఆయనకు విపరీతమైన ఫ్యాన్ ఫాలోయింగ్ ఉంది.
రజనీకాంత్ ఆత్మకథ వెలువడితే అభిమానులకు ఇది గొప్ప గిఫ్ట్ అవుతుందని అంటున్నారు. ఇది కేవలం ఆయన సినీ కెరీర్‌కు మాత్రమే కాకుండా, వ్యక్తిగత జీవితం, స్ఫూర్తిదాయకమైన ప్రయాణానికి సంబంధించిన విషయాలను తెలుసుకునేందుకు మంచి అవకాశంగా మారనుంది.