టాలీవుడ్: టాలీవుడ్ యువ హీరో రాజ్ తరుణ్ ప్రస్తుతం ‘పవర్ ప్లే’ అనే సినిమాలో నటిస్తున్నాడు. కెరీర్ ప్రారంభం నుండి లవ్ స్టోరీస్ మరియు కామెడీ ఎంటెర్టైనర్లలో నటించిన రాజ్ తరుణ్ మొదటి సారి ఒక క్రైం థ్రిల్లర్ సినిమాలో నటిస్తున్నాడు. లాక్ డౌన్ టైం లో ‘ఒరేయ్ బుజ్జిగా’ సినిమా తీసి పరవాలేదనిపించిన రాజ్ తరుణ్ అదే డైరెక్టర్ తో ఈ సినిమా తీసాడు. ‘గుండె జారీ గల్లంతయ్యిందే’, ‘ఒక లైలా కోసం’,’ఒరేయ్ బుజ్జిగా’ లాంటి ఫామిలీ & లవ్ స్టోరీస్ రూపొందించిన విజయ్ కుమార్ కొండా కూడా మొదటి సారి థ్రిల్లర్ జానర్ లో తన లక్ పరీక్షించుకోనున్నారు.
ఈ రోజు ఈ సినిమా ట్రైలర్ విడుదలైంది. ఒక్క డైలాగ్ లేకుండా ట్రైలర్ మొత్తం థ్రిల్లింగ్ సీన్స్ తోనే కట్ చేసారు. సినిమా కథ గురించి ఎలాంటి హింట్స్ లేకుండా మొత్తం బాగ్ గ్రౌండ్ మ్యూజిక్ తో ట్రైలర్ విడుదల చేసి సస్పెన్స్ మైంటైన్ చేయగలిగారు మేకర్స్. హేమాలి అనే నూతన హీరోయిన్ ఈ సినిమా ద్వారా పరిచయం అవనుంది. సురేష్ బొబ్బిలి ఈ సినిమాకి సంగీతం అందించాడు. శ్రీమతి పద్మ సమర్పణలో వనమాలి క్రియేషన్స్ బ్యానర్ పై మహిదర్ , దేవేష్ సంయుక్తంగా ఈ సినిమాని నిర్మించారు. ఈ సినిమాలో మరిన్ని పాత్రల్లో కోట శ్రీనివాసరావు, పూర్ణ, అజయ్, ప్రిన్స్, మధు నందన్ మరి కొందరు నటిస్తున్నారు. రాజ్ తరుణ్ కి మరియు డైరెక్టర్ విజయ్ కుమార్ కొండా కి ఈ కొత్త జానర్ లో మరో సక్సెస్ రావాలని ఆశిద్దాం.