కథ:
‘గేమ్ ఛేంజర్’ కథా నేపథ్యం ఒక పొలిటికల్ యాక్షన్ డ్రామా. ఆంధ్రప్రదేశ్ ముఖ్యమంత్రి బొబ్బిలి సత్యమూర్తి (శ్రీకాంత్) కొడుకు మోపిదేవి (ఎస్ జె సూర్య) సీఎం కుర్చీపై కన్నేస్తాడు. రామ్ నందన్ (రామ్ చరణ్) కలెక్టర్‌గా రావడంతో మోపిదేవి, రామ్ నందన్ మధ్య రాజకీయ యుద్ధం మొదలవుతుంది. సత్యమూర్తి తన వారసుడిగా రామ్‌ను ఎందుకు ప్రకటిస్తాడు? రామ్, మోపిదేవి మధ్య సాగిన రాజకీయ గొడవకు కారణం ఏంటి? అలాగే, అభ్యుదయ పార్టీ వ్యవస్థాపకుడు అప్పన్న (రామ్ చరణ్ డ్యూయల్ రోల్) పాత్ర వెనకున్న స్టోరీ ఏమిటనేది సినిమాలోని కీలక అంశాలు.
విశ్లేషణ
రామ్ చరణ్ తన నటనతో ప్రభావం చూపాడు. ‘చిట్టిబాబు’ తరహా అప్పన్న పాత్ర ఆకట్టుకుంది. ఎస్ జె సూర్య విలన్‌గా తన మ్యానరిజం, స్క్రీన్ ప్రెజెన్స్ తో రాణించాడు. శంకర్ తన మార్క్ స్టోరీ టెల్లింగ్, మాస్ ఎమోషన్స్‌తో ప్రేక్షకులను బాగా ఆకట్టుకున్నాడు. పాటలు, విజువల్స్ మెస్మరైజ్ చేస్తున్నా, కొన్ని విఎఫ్ఎక్స్ సీన్స్ నిరాశపరిచాయి.
‘గేమ్ ఛేంజర్’ లో శంకర్ తన మార్క్ పొలిటికల్ ఎమోషన్స్ ను ప్రదర్శించడంలో చాలా వరకు విజయవంతమయ్యాడు. సినిమా ఆద్యంతం ఆకట్టుకునే మాస్ ఎలిమెంట్స్ తో నడుస్తుంది. రామ్ చరణ్ నటన రెండు భిన్నమైన పాత్రలలో ప్రత్యేకంగా మెరుస్తుంది. అప్పన్న పాత్రలో ఆయన అమాయకత్వం, రామ్ నందన్ పాత్రలో అతని సీరియస్ నేచర్ ఇద్దరినీ తేడా చూపిస్తుంది. ఎస్ జె సూర్య విలన్ గా ప్రతికూలతతో స్క్రీన్ పై కనిపించడం సినిమాకు పెద్ద ప్లస్ అని చెప్పవచ్చు.
సినిమాలో మిగతా నటీనటులు, ముఖ్యంగా అంజలి తన పాత్రలో ప్రాణం పోశారు. ఇక థమన్ తన బ్యాక్‌గ్రౌండ్ స్కోర్ ద్వారా కీలకమైన సన్నివేశాలను ఎలివేట్ చేశాడు, అయితే కొన్ని పాటలు ఆశించిన స్థాయిలో లేకపోవడం పట్ల కొంత నిరాశ కలిగింది. విజువల్ ఎఫెక్ట్స్ లో కొన్ని చోట్ల లోపాలు కనిపించాయి, కానీ దర్శకుడు శంకర్ సృష్టించిన పొలిటికల్ డ్రామా మేజర్ సీన్స్‌ను రక్తికట్టించింది.
కథనం, ఫస్ట్ హాఫ్ ప్రారంభంలో కొంచెం నెమ్మదిగా సాగినా, సెకండ్ హాఫ్ లో ఉత్కంఠ రేకెత్తించే ట్విస్టులతో రన్ టైమ్ ఆకర్షణీయంగా మారింది. అప్పన్న ఫ్లాష్‌బ్యాక్ భాగం కొంత బలహీనంగా అనిపించినా, రామ్ నందన్, మోపిదేవి మధ్య పవర్ ప్యాక్డ్ సన్నివేశాలు ప్రేక్షకులను థ్రిల్ చేస్తాయి. మొత్తం మీద, ‘గేమ్ ఛేంజర్’ ఒక న్యూ పొలిటికల్ యాక్షన్ డ్రామాగా నిలిచింది, కానీ మరికొంత పర్ఫెక్షన్ ఉంటే మరింత ప్రభావం చూపేదని అనిపిస్తుంది.
ప్లస్ పాయింట్స్
రామ్ చరణ్ నటన
ఎస్ జె సూర్య, అంజలి నటన.
శంకర్ మార్క్ మాస్ ఎలిమెంట్స్.
థమన్ బ్యాక్‌గ్రౌండ్ స్కోర్.
మైనస్ పాయింట్స్
జరగండి సాంగ్ విజువల్స్ డిజప్పాయింట్.
కథలో కొత్తదనం కొరవడి, కొంత రొటీన్ అనిపిస్తుంది.
ఫస్టాఫ్‌లో ఆలస్యమైన నేరేషన్.
అప్పన్న పాత్రకు తగిన స్క్రీన్ టైమ్ లోపం.
రేటింగ్: 2.75/5