రామ్ చరణ్, సుకుమార్ కాంబినేషన్ లో రాబోయే ఆర్సీ 17 గురించి సోషల్ మీడియాలో హంగామా జరుగుతూనే ఉంది. బుచ్చిబాబు దర్శకత్వంలో తెరకెక్కుతున్న ఆర్సీ 16 షూటింగ్ మధ్యలో ఉండగానే, సుకుమార్ తో చరణ్ తదుపరి సినిమా వార్తలు రావడం అభిమానులను కన్ఫ్యూజ్ చేసింది.
ఇటీవల చరణ్, సుకుమార్ అబుదాబి వెళ్లడం ఈ ఊహాగానాలకు మరింత ఊతమిచ్చింది. అయితే, వారు సినిమా పనులకోసం కాకుండా, ఒక సెలబ్రిటీ ఫ్యామిలీ వివాహ వేడుక కోసం వెళ్లారనే నిజం తాజాగా బయటకు వచ్చింది. దీంతో ఆర్సీ 16 షూటింగ్ కి చిన్న బ్రేక్ ఇచ్చి, మళ్లీ రెగ్యులర్ షెడ్యూల్ మొదలుపెట్టారు.
ఇప్పటి వరకూ ఆర్సీ 17 స్క్రిప్ట్ ఫైనల్ కాలేదని, కానీ సుకుమార్ ఒక పవర్‌ఫుల్ సబ్జెక్ట్‌ను సిద్ధం చేస్తున్నట్లు సమాచారం. ఇది రంగస్థలం కంటే డిఫరెంట్ బ్యాక్‌డ్రాప్ లో ఉంటుందట. పుష్ప లాంటి మాస్ టచ్ లేకుండా, వినూత్నమైన కథాంశంతో రూపొందించనున్నారని చెబుతున్నారు.
ఫ్యాన్స్ అందరూ ఇప్పుడు రిలాక్స్ కావొచ్చు. ముందు ఆర్సీ 16 పూర్తి అయిన తర్వాతే ఆర్సీ 17పై అధికారిక సమాచారం వస్తుందని తెలుస్తోంది.