టాలీవుడ్: తెలుగు సినిమా ఇండస్ట్రీ గర్వపడే దర్శకుడు అనే స్టేజ్ నుండి వివాదాస్పద దర్శకుడు అనే స్టేజ్ కి వచ్చిన డైరెక్టర్ రామ్ గోపాల్ వర్మ. టాలీవుడ్ లో హిట్స్ అందించి బాలీవుడ్ వెళ్లి అక్కడ కూడా వరుస హిట్ లు అందించి హారర్ సినిమాలు వరుసగా తీసి ప్లాప్ లు చవి చూసి తిరిగి మళ్ళీ టాలీవుడ్ కి వచ్చి ఇక్కడ సినిమాలు చేసుకుంటూ ఉన్నాడు. ప్రస్తుతం వివాదాస్పద బయోపిక్ లు, వివాదాస్పద నిజ జీవిత ఘటనల ఆధారంగా సినిమాలు తీయడం మొదలుపెట్టాడు. గత రెండు సంవత్సరాల్లో పది కి పైగా ఇలాంటి సినిమాలే రూపొందించాడు ఆర్జీవీ. అందులో ఒక్కటి కూడా ఆడకపోయినా ఆర్జీవీ సినిమాలు తియ్యడం మాత్రం ఆపలేదు.
ప్రస్తుతం ముంబై ని తన గుప్పిట్లో పెట్టుకున్న ఒకప్పటి డాన్ ‘దావూద్ ఇబ్రహీం’ కథని బేస్ చేసుకుని ‘D కంపెనీ’ అనే సినిమా రూపొందించాడు. ఈ సినిమా పూర్తి అయి చాలా రోజులే అయినా కూడా ఈ నెలలో విడుదల చేయనున్నట్టు ప్రకటించాడు. మే 15 న ఈ సినిమాని విడుదల చేయనున్నట్టు ప్రకటించాడు. ఇదివరకు ‘శ్రేయాస్ ET ‘ ద్వారా పే పర్ వ్యూ పద్దతిలో సినిమాలు విడుదల చేసే ఆర్జీవీ ఈ సారి మరో ఓటీటీ ని ముందుకు తీసుకు వచ్చాడు. ఈ సినిమాని నిర్మించిన స్పార్క్ క్రియేషన్స్ వారి స్పార్క్ ఓటీటీ లో ఈ సినిమాని విడుదల చేయనున్నట్టు ప్రకటించాడు.