మూవీడెస్క్: రానా దగ్గుబాటి తనదైన స్టైల్‌తో ప్రేక్షకులను కొత్త తరహా వినోదానికి తెరలేపుతున్నాడు.
అమెజాన్ ప్రైమ్‌లో స్ట్రీమ్ అవుతున్న ‘ది రానా దగ్గుబాటి షో’ ఇప్పటికే రెండు ఎపిసోడ్‌లు పూర్తి చేసుకుంది.
తాజాగా, మూడో ఎపిసోడ్ ప్రోమో విడుదల చేస్తూ, ఫ్యామిలీ మెంబర్స్ అంతా కలిసి చేసిన సందడి గురించి హింట్ ఇచ్చాడు రానా.
ఇందులో ముఖ్యంగా నాగచైతన్య, రానా భార్య మిహీక పాల్గొనడం విశేషం.
ఈ ప్రోమోలో రానా చైతు పెళ్లి గురించి ప్రశ్నలతో హైలైట్ అయ్యాడు. చైతు స్పందనలో “పర్సనల్ లైఫ్ చాలా బాగుంది” అని చెబుతూ సమాధానం ఇవ్వడం గమనార్హం.
ఈ ఎపిసోడ్‌లో చైతన్య, శోభిత లవ్ స్టోరీని హైలైట్ చేస్తూ కొన్ని ఫోటోలు కూడా చూపించారు.
ఈ అంశాలు ప్రేక్షకులను మరింత ఉత్సాహపరచగా, చైతు-శోభిత ప్రేమ గురించి రానా తనదైన పద్ధతిలో సరదాగా చర్చించాడు.
ఇక రానా భార్య మిహీక ఈ ఎపిసోడ్‌లో ఫుల్ ఎంటర్టైన్మెంట్ ఇచ్చినట్లు సమాచారం. ఆమె సందడి ఈ ఎపిసోడ్‌కు ప్రత్యేక ఆకర్షణగా నిలవనుంది.
ఫ్యామిలీ డైనమిక్స్‌తో కూడిన ఈ ఎపిసోడ్, నవ్వులు పంచడం ఖాయమని అర్థమవుతోంది. ప్రేక్షకులు ఈ ఎపిసోడ్‌పై మంచి అంచనాలతో ఉన్నారు.
ఇదిలా ఉండగా, నేడు నాగచైతన్య – శోభిత వివాహం అన్నపూర్ణ స్టూడియోలో జరగనుంది.
చైతు పెళ్లి రోజుకు సరిగ్గా ఈ ప్రోమో విడుదల కావడంతో, రానా తన బావకు ప్రత్యేక గిఫ్ట్ ఇచ్చినట్లు అభిమానులు భావిస్తున్నారు.
రానా, చైతు మధ్య ఉన్న స్నేహం ఈ షోలో స్పష్టంగా కనిపిస్తుంది. అందరితో పాటు, రానా చేసిన ఈ కొత్త ప్రయత్నం ప్రేక్షకులను ఆకట్టుకోవడమే కాకుండా, ఫ్యామిలీ అండ్ ఫ్రెండ్స్ టాక్ షో ఫార్మాట్‌లో కొత్తదనం చూపిస్తోంది.
ఈ ఎపిసోడ్ శనివారం నుంచి స్ట్రీమ్ కానుండటంతో, మరిన్ని ఆసక్తికరమైన విషయాలు చూడటానికి ప్రేక్షకులు ఎదురుచూస్తున్నారు.