రామ్ చరణ్ – బుచ్చిబాబు కాంబినేషన్‌లో వస్తున్న RC16 సినిమాపై భారీ అంచనాలు నెలకొన్నాయి. ముఖ్యంగా, ఈ సినిమాలో చరణ్ పాత్ర మాస్ యాక్షన్ లవర్స్‌కు ట్రీట్ అనే చెప్పాలి. తాజా సమాచారం మేరకు, చరణ్ ఈ సినిమాలో ‘ఆట కూలీ’ క్యారెక్టర్‌లో కనిపించబోతున్నాడు.
ఇందులో ప్రత్యేకత ఏమిటంటే, కథ కేవలం ఒకే ఆట చుట్టూ తిరగదు. క్రికెట్, కుస్తీ, కబడ్డీ – ఇలా మూడు ఆటలు మిక్స్ అవుతాయని తెలుస్తోంది. ఈ లైన్ సినిమాపై క్యూరియాసిటీ పెంచుతోంది. రంగస్థలం తర్వాత చరణ్ మళ్లీ పూర్తిగా వైవిధ్యమైన పాత్రలో కనిపించనున్నాడని ఫిలిం వర్గాలు చెబుతున్నాయి.
ఏఆర్ రెహమాన్ సంగీతం అందిస్తుండటంతో, ఈ సినిమాకు మ్యూజిక్ కూడా ఓ ప్రత్యేక ఆకర్షణగా మారనుంది. బుచ్చిబాబు గతంలో ఉప్పెనలో ఎమోషన్లను హైలైట్ చేసినట్లుగానే, ఇందులో కూడా కథకు ఇంటెన్సిటీ పంచనున్నాడట. మైత్రి మూవీ మేకర్స్, వృద్ధి సినిమాస్, సుకుమార్ రైటింగ్స్ సంయుక్తంగా నిర్మిస్తున్న ఈ సినిమా పాన్ ఇండియా లెవెల్‌లో రాబోతోంది.
ఈ మూవీలో శివరాజ్ కుమార్ ఓ కీలక పాత్ర పోషిస్తున్నారని సమాచారం. అలాగే జగపతిబాబు, మేఘన్ రాజ్ ఇతర పాత్రల్లో కనిపించనున్నారు. ప్రస్తుతం రెగ్యులర్ షూటింగ్ శరవేగంగా జరుగుతోంది.
టీజర్, ఫస్ట్ లుక్ త్వరలోనే విడుదల కానుండటంతో, ఫ్యాన్స్‌లో మరింత హైప్ క్రియేట్ అవుతోంది. బుచ్చిబాబు – చరణ్ కాంబినేషన్ ఎంతటి మ్యాజిక్ చేస్తుందో చూడాలి!