ఢిల్లీ: సీఎం రేవంత్ రెడ్డి పై సోషల్ మీడియాలో జరుగుతున్న దుష్ప్రచారానికి ఢిల్లీలో చోటుచేసుకున్న ఒక ఘటనతో సమాధానం దొరికింది.
గత కొంతకాలంగా రేవంత్ పై హైడ్రా కూల్చివేత‌లు, గ్రూప్ వన్ రిక్రూట్మెంట్ జీవో 29 వంటి అంశాల కారణంగా వ్యతిరేకత పెరిగిందని, ఢిల్లీ నాయకత్వానికి కూడా ఈ వ్యతిరేకత చేరినట్లు ప్రచారం సాగింది.
రేవంత్ కు సరిగ్గా అపాయింట్మెంట్లు దొరక్కపోవడం, ఢిల్లీ నేతలతో భేటీ అవ్వలేకపోవడం కూడా ఈ ప్రచారానికి కారణంగా నిలిచింది.
అయితే, ఈ ప్రచారానికి సరికొత్త మలుపు తీసుకురావడంలో ప్రియాంక గాంధీ నామినేషన్ ప్రస్తావన మైలురాయి.
వయనాడు ఎంపీ స్థానం కోసం ప్రియాంక నామినేషన్ వేస్తున్న సందర్భంగా జరిగిన కార్యక్రమంలో రేవంత్ రెడ్డి కూడా పాల్గొన్నారు.
ఈ కార్యక్రమంలో సోనియాగాంధీ, రాహుల్ గాంధీ, ప్రియాంకగాంధీలతో కలిసి ఆయన ఉన్న ఫోటోలు సోషల్ మీడియాలో వైరల్ అయ్యాయి.
ఈ సంఘటనతో రేవంత్ పట్ల జరుగుతున్న ప్రచారం తప్పని ఆయన అనుచరులు ప్రకటించారు. ఢిల్లీలో పార్టీ ముఖ్య నేతలు రేవంత్ కు పూర్తి మద్దతు ఉన్నట్లు ఈ పరిణామం సాక్ష్యంగా నిలిచింది.
ఇది రేవంత్ పై వస్తున్న విమర్శలకు చెక్ పెట్టినట్లు ప్రచారంలోకి వచ్చింది.