స్పోర్ట్స్ డెస్క్: ఐపీఎల్ 2025 సీజన్‌లో అత్యధిక ధరకు అమ్ముడుపోయిన ఆటగాడు రిషభ్ పంత్. లక్నో సూపర్ జెయింట్స్ రూ.27 కోట్లతో అతడిని దక్కించుకోవడం అప్పట్లో హాట్ టాపిక్ అయింది. కానీ తొలి మ్యాచ్‌నే అతడు పూర్తిగా నిరాశపరిచాడు.
ఢిల్లీ క్యాపిటల్స్‌తో జరిగిన మ్యాచ్‌లో బ్యాటింగ్, వికెట్ కీపింగ్, కెప్టెన్సీ మూడు విభాగాల్లోనూ తేడా చూపించలేకపోయాడు. బ్యాటింగ్‌లో కనీసం ఒక పరుగు కూడా చేయలేక డకౌట్ అయ్యిన పంత్.. ఆరు బంతులు నిష్ప్రయోజకంగా మింగేశాడు.
అతని ఔట్ అయిన తీరును చూసిన ఫ్యాన్స్ సోషల్ మీడియాలో విమర్శల వర్షం కురిపించారు. టాప్ ఆర్డర్ బాగానే ఆడినా పంత్ కీప్ట్ ఫెయిల్యూర్‌కి లక్నో మోయాల్సిన ఖర్చు ఎక్కువయ్యింది.
ఇంతటితో కాకుండా, చివర్లో ఢిల్లీ ఆఖరి ప్లేయర్ మోహిత్ శర్మను స్టంప్ చేసే అవకాశం వచ్చినప్పటికీ, అది కూడా పంత్ చేతుల్లో జారిపోయింది. ఈ ఒక్క ఛాన్స్ మ్యాచును పూర్తిగా ఢిల్లీ వైపునే తిప్పేసింది. అషుతోష్ శర్మ హాఫ్ సెంచరీతో రాణించగా.. పంత్ తప్పిదంతో లక్నో ఓడిపోవాల్సి వచ్చింది. ఈ పరిణామం అభిమానులను తీవ్రంగా నిరాశపరిచింది.
ప్రస్తుత పరిస్థితుల్లో పంత్‌పై వేటు వేయాలని కొందరు కామెంట్లు చేస్తున్నారు. కానీ తొలి మ్యాచ్‌లోనే తేల్చేయడం సరైంది కాదన్న వాదనలు కూడా వినిపిస్తున్నాయి. అయినా 27 కోట్ల విలువను నెరవేర్చాలంటే, పంత్ తక్కువ కాలంలోనే త‌న ఆటతీరు మార్చుకోవాల్సిన అవసరం ఉందనే సంగతి మాత్రం నిజం!