పుణే: టెస్టు సిరీస్ స‌మం చేయాల్సిన కీలక మ్యాచ్‌లో భారత జ‌ట్టు స్పిన్న‌ర్ల‌ను ఎదుర్కొనే లోపంలో ప‌డింది. దీంతో 12 ఏండ్ల తర్వాత స్వ‌దేశంలో టెస్టు సిరీస్ కోల్పోవడం బాధాకరమని కెప్టెన్ రోహిత్ శ‌ర్మ ప్ర‌క‌టించాడు.
ప్రత్యేకంగా స్పిన్ పిచ్‌లలో నైపుణ్యమున్న మన బ్యాటర్లు పుణే పిచ్‌పై నిలబడలేకపోవడం అభిమానులకు నిరాశ క‌లిగించింది. స్పిన్న‌ర్ల‌కు తమ బ్యాటర్లు సరిగా స‌మాధానం ఇవ్వలేక‌పోవ‌డం, కీలక స్కోర్లు చేయలేకపోవడం, మ్యాచ్ చేజారిపోయేందుకు ప్రధాన కారణమైందని రోహిత్ వివరించాడు.
తొలి ఇన్నింగ్స్‌లో న్యూజిలాండ్‌ను 259 ప‌రుగుల‌కే క‌ట్ట‌డి చేసినప్పటికీ, సొంత బ్యాటింగ్‌లో తాము ఆశించిన ప‌రుగుల‌ను సాధించలేకపోయామని తెలిపాడు. మూడో రోజే మ్యాచ్ పూర్తవడంతో రోహిత్ తీవ్ర అసంతృప్తిని వ్యక్తం చేశాడు.
ఇక చివ‌రి వాంఖడే టెస్టులో మంచి ప్ర‌దర్శనతో టీమిండియా గెలిచి, అభిమానులను నిరాశ నుంచి గట్టెక్కించే ఆత్మవిశ్వాసం ఉందని హిట్‌మ్యాన్ పేర్కొన్నాడు. ముంబై టెస్టులో తమ సత్తా చాటతామని, విజయం సాధించి సిరీస్‌ను ముగిస్తామని రోహిత్ స్పష్టం చేశాడు.