టాలీవుడ్: ‘కేరింత’,’తోలు బొమ్మలాట’, ‘మనమంతా’,’పిట్ట కథ’ లాంటి సినిమాలతో నటుడిగా ఇపుడిపుడే అడుగులు వేస్తున్న హీరో ‘విశ్వంత్’. ‘రంగుల రాట్నం’ సినిమాలో రాజ్ తరుణ్ సరసన నటించిన చిత్ర శుక్లా ప్రస్తుతం విశ్వంత్ తో కలిసి ‘కాదల్’ అనే సినిమాలో నటిస్తుంది. ఈ సినిమాకి సంబందించిన టీజర్ దీపావళి సందర్భంగా విడుదల అయింది. పెద్ద చిత్రాల హడావిడి లో అనౌన్స్మెంట్ లలో ఈ టీజర్ కొట్టుకుపోయింది కానీ టీజర్ మాత్రం ఆకట్టుకుంది. టఫెనెడ్ స్టూడియోస్ లిమిటెడ్ బ్యానర్ పై కిరణ్ రెడ్డి మందాడి ఈ సినిమాని నిర్మిస్తున్నాడు. కళ్యాణ్ జీ గొంగన అనే నూతన దర్శకుడు ఈ సినిమా ద్వారా పరిచయం అవుతున్నాడు.
ఈ సినిమా టీజర్ ఒక మంచి ఫీల్ గుడ్ లవ్ స్టోరీ లాంటి ఫీల్ ని ఇచ్చింది. టీజర్ లో వినిపించిన మ్యూజిక్ కూడా ఒక ఫ్రెషన్స్ తో ఆకట్టుకుంది. లవ్ స్టోరీస్ ఎక్కువగా ఇష్టపడే వారికీ ఈ సినిమా మంచి ట్రీట్ లా అనిపిస్తుంది. సాయి కార్తీక్ అందించిన మ్యూజిక్ ఆకట్టుకుంది. 2004 లో జరిగిన ఒక ప్రేమ కథ అంటూ టీజర్ మొదలు పెట్టారు. టీజర్ లో చూపించిన సీన్స్, మ్యూజిక్, క్యారెక్టర్స్, హ్యూమర్ బాగానే ఆకట్టుకున్నాయి. వీరితో పటు ఈ సినిమాలో రాకేందు మౌళి, దేవీ ప్రసాద్, రాకెట్ రాఘవ తదితరులు నటించారు.