టాలీవుడ్: టాలీవుడ్ నుండి రాబోతున్న మోస్ట్ అవైటెడ్ పాన్ ఇండియా సినిమా ‘RRR ‘. కేవలం తెలుగు రాష్ట్రాల్లోనే కాకుండా దేశం మొత్తం ఈ సినిమా గురించి ఎదురు చూస్తుంది. ఈ సినిమా షూటింగ్ ముగిసిపోవడం తో పోస్ట్ ప్రొడక్షన్ తో పాటు ప్రచారం కూడా మొదలు పెట్టింది ఈ సినిమా టీం. ఈ మధ్యనే ఈ సినిమా మేకింగ్ వీడియో ఒకటి విడుదల చేసి అద్భుతం అనిపించుకుంది. ఇపుడు సినిమా నుండి మొదటి పాట కూడా విడుదల చేయనున్నారు. ఆగష్టు 1 న ఫ్రెండ్ షిప్ డే సందర్భంగా ఈ సినిమాలో ఇద్దరు హీరోలకి ఉండే దోస్తీ ని బేస్ చేసుకుని ‘దోస్తీ’ అనే పాట విడుదల చేయనున్నారు.
ఈ విషయాన్నీ ప్రకటిస్తూ సినిమా టీం ఒక పోస్టర్ కూడా విడుదల చేసింది. ఈ పాటకి మ్యూజిక్ డైరెక్టర్ ఎం.ఎం.కీరవాణి స్వరపరచగా ఐదు భాషల్లో ఐదుగురు టాప్ సింగర్స్ ఈ పాటని ఆలపించారు. తెలుగు లో హేమ చంద్ర, తమిళ్ లో అనిరుద్ రవి చందర్, మలయాళంలో విజయ్ ఏసుదాసు, హిందీ లో అమిత్ త్రివేది, కన్నడ లో యాజిన్ నజీర్ ఈ పాటని ఆలపించారు. వీరందరితో కలిసి ఉన్న ఒక ఫోటో ని కూడా షేర్ చేసారు. కరోనా సెకండ్ వేవ్ లో దొరికిన సమయంలో చాలా వరకు పోస్ట్ ప్రొడక్షన్ పనులని పూర్తి చేసుకుని మిగిలిన భాగాన్ని త్వరగా పూర్తి చేసి మరో కరోనా వేవ్ లాంటి అడ్డంకులు లేకుంటే ఎట్టి పరిస్థితుల్లో అక్టోబర్ 13 న సినిమాని విడుదల చేయడానికి ఏర్పాట్లు చేస్తుంది రాజమౌళి టీం.