మూవీడెస్క్: ఎస్ ఎస్ రాజమౌళి ఎంతో ప్రతిష్టాత్మకంగా తెరకెక్కిస్తున్న చిత్రం రౌద్రం రణం రుధిరం (ఆర్ఆర్ఆర్). అయితే ఈ సినిమా ఈ పాటికే విడుదలై రికార్డు కలెక్షన్లతో దూసుకుపోయి ఉండేది. పలు కారణాల వల్ల ఈ చిత్ర విడుదల వాయిదా పడింది.
ఈ నేపథ్యంలోనే ఈ సినిమాను ఆర్ఆర్ఆర్ చిత్రబృందం వాయిదా నిర్ణయం తీసుకుంది. అయినప్పటికీ ఈ చిత్ర విడుదల తేదిపై మాత్రం ప్రేక్షకులను ఇంకా ఆసక్తి తగ్గలేదు. ఈ సినిమా ఎప్పుడెప్పుడు విడుదల అవుతుందా అని వెయ్యి కళ్లతో ఎదురు చూస్తునే ఉన్నారు.
ఇదే క్రమంలో తాజాగా ఆర్ఆర్ఆర్ బృందం నుండి అభిమానులకు ఒక పెద్ద శుభవార్త వచ్చింది. రాష్ట్రంలో కరోనా మహమ్మారి కేసులు తగ్గుముఖం పట్టి సాధారణ పరిస్థితి నెలకొని పూర్తి సామర్థ్యంతో థియేటర్లు ప్రారంభమైతే మార్చ్‌ 18వ తేదీన చిత్రాన్ని విడుదల చేసేందుకు సిద్దంగా ఉన్నామని మేకర్స్‌ తెలిపారు.
ఒకవేళ ఆ సమయానికి కుదరకపోతే ఎలాంటి పరిస్థితులున్నా ఏప్రిల్ 28వ తేదీన ప్రపంచవ్యాప్తంగా రిలీజ్ చేస్తామని చిత్ర యూనిట్‌ తెలిపింది. దీంతో ఇన్నేళ్ల ప్రేక్షకుల నిరీక్షణకు తెరపడినట్లు అవుతుంది. ఈ ఆర్ఆర్ఆర్ చిత్రం దాదాపుగా 14 భాషల్లో విడుదల అవనుంది. ఈ ఒక్క న్యూస్‌తో అభిమానులు ఇప్పుడు పండుగ చేసుకుంటున్నారు.