టాలీవుడ్: బాహుబలి సినిమా తర్వాత భారతదేశం మొత్తం గుర్తింపు తెచ్చుకున్న డైరెక్టర్ ఎస్ ఎస్ రాజమౌళి. ప్రస్తుతం ఈ డైరెక్టర్ చేస్తున్న మరో ప్రతిష్టాత్మక సినిమా RRR . దాదాపు 400 కోట్ల భారీ బడ్జెట్ తో ఈ సినిమా రూపొందుతుంది. బడ్జెట్ కి తగ్గట్టే స్టార్స్ కూడా చాలా మందే ఉన్నారు. టాలీవుడ్ టాప్ యాక్టర్స్ యంగ్ టైగర్ ఎన్టీఆర్, మెగా పవర్ స్టార్ రామ్ చరణ్, బాలీవుడ్ నుండి అజయ్ దేవగన్, అలియా భట్.. ఇంకా చాలా మందే ఈ సినిమాలో భాగం అయ్యారు. పాన్ ఇండియా లెవెల్ లో రూపొందుతున్న ఈ సినిమా ఎలాంటి అవుట్ ఫుట్ తో వస్తుందన్న చర్చ నడుస్తుంది. పైగా ఈ సినిమా ఇండిపెండెన్స్ ముందు ఇన్సిడెంట్స్ తో రాబోతున్న సినిమా కాబట్టి ఇంకొంచెం ఆసక్తి నెలకొంది.
ఐతే ఇదే సమయంలో ఈ సినిమా ప్రొడ్యూసర్స్ డీవీవీ ఎంటెర్టైన్మెంట్స్ వాల్లు ఈ సినిమా షూట్ కి సంబందించిన ఒక యాక్షన్ షూట్ ని కొన్ని సెకన్లు విడుదల చేసారు. ఈ వీడియో చూసిన తర్వాత ఆ భారీ యాక్షన్ ఏ రేంజ్ లో ఉండబోతోందో అర్ధం అవుతుంది. అందులోను బ్లూ మాట్ సీన్లలో ఆరి తేరి పోయిన రాజమౌళి గురించి ప్రత్యేకంగా చెప్పాల్సిన అవసరం లేదు. అంతే కాకుండా భారత దేశ చరిత్రలో ‘జలియన్ వాలా భాగ్’ లో జరిగిన ఒక భయంకరమైన ఘట్టాన్ని రాజమౌళి ఈ సినిమాలో చూపించబోతున్నాడు అని ఒక రూమర్ నడుస్తుంది. ఈ వీడియో కూడా ఇంచు మించు అలాగే అనిపిస్తుంది. అలాంటి సీన్స్ రాజమౌళి చేతిలో పడితే దాన్ని ఆయన ఏ రేంజ్ కి తీసుకెళ్తాడో మనం ఊహిస్తేనే అర్ధం అవుతుంది. కరోనా తర్వాత షూటింగ్ మొదలుపెట్టిన ఈ సినిమా టీం షర వేగంగా షూటింగ్ పనుల్లో మునిగిపోయి త్వరగా పూర్తి చేయాలనీ చూస్తుంది. వచ్చే సంవత్సరం సమ్మర్ కి లేదా దసరా వరకు సినిమాని సిద్ధం చేయాలనీ చూస్తున్నాడు రాజమౌళి.