మూవీడెస్క్: RC 17 లో సాయి పల్లవి! గ్లోబల్ స్టార్ రామ్ చరణ్ ప్రస్తుతం ‘గేమ్ చేంజర్’ సినిమా విడుదల కోసం సిద్ధమవుతున్నారు.
సంక్రాంతి సీజన్‌ లో ప్రేక్షకుల ముందుకు రానున్న ఈ సినిమా తర్వాత రామ్ చరణ్ ‘ఉప్పెన’ ఫేమ్ బుచ్చిబాబు దర్శకత్వంలో ‘RC 16’ సినిమాపై దృష్టి పెట్టనున్నారు.
పీరియాడికల్ స్పోర్ట్స్ డ్రామాగా రూపొందుతున్న ఈ సినిమాలో రామ్ చరణ్ కు జోడీగా జాన్వీ కపూర్ నటిస్తున్నారు.
గ్రామీణ నేపథ్య కథల హవా నడుస్తున్న ఈ సమయంలో, ఈ సినిమా ప్రేక్షకులను విశేషంగా ఆకట్టుకుంటుందని భావిస్తున్నారు.
ఇదిలా ఉంటే, ‘RC 16’ పూర్తి అయిన వెంటనే రామ్ చరణ్ సుకుమార్ దర్శకత్వంలో ‘RC 17’ చేయబోతున్నట్లు టాక్ వినిపిస్తోంది.
ప్రస్తుతం ‘పుష్ప 2’ పనుల్లో బిజీగా ఉన్న సుకుమార్, ఈ సినిమా తర్వాత కొంత విరామం తీసుకుని ‘RC 17’ స్క్రిప్ట్ పై పనిచేయబోతున్నారని సమాచారం.
సుకుమార్ తన కథలను ఎంతో ప్రత్యేకంగా, విలక్షణంగా డిజైన్ చేసే దర్శకుడిగా పేరుపొందారు.
ఈ క్రమంలో ‘RC 17’ సినిమాలో హీరోయిన్ గా సాయి పల్లవిని తీసుకునే ఆలోచనలో ఉన్నారని ఇండస్ట్రీ వర్గాల్లో ప్రచారం జరుగుతోంది.
సుకుమార్ తన చిత్రాలలో హీరోయిన్ల పాత్రలను బలంగా డిజైన్ చేస్తారనే విషయం తెలిసిందే.
‘రంగస్థలం’లో సమంత పాత్ర, ‘పుష్ప’లో రష్మిక శ్రీవల్లి పాత్రకు విశేషమైన గుర్తింపు లభించాయి.
అందుకే ‘RC 17’ లో కూడా సాయి పల్లవి పాత్రకు అంత బలం ఉండవచ్చని భావిస్తున్నారు.
సాయి పల్లవి స్క్రిప్ట్ బలాన్ని అంచనా వేసి సినిమాలకు ఒప్పుకునే హీరోయిన్‌గా పేరుపొందారు. ఆమె రామ్ చరణ్‌తో కలిసి పనిచేస్తే, సినిమాపై ప్రత్యేక బజ్ క్రియేట్ కావడం ఖాయం.
ప్రస్తుతం సాయి పల్లవి తెలుగులో ‘తండేల్’, హిందీలో అమీర్ ఖాన్ తనయుడితో ఒక సినిమా, అలాగే రణబీర్ కపూర్ ‘రామాయణం’ లో నటిస్తున్నారు.