జాతీయం: సల్మాన్ ఖాన్‌కు మళ్లీ బెదిరింపు
బాలీవుడ్ స్టార్ సల్మాన్ ఖాన్‌కు మళ్లీ ప్రాణహాని బెదిరింపులు వచ్చాయి. గుర్తు తెలియని వ్యక్తి నుంచి ముంబయి ట్రాఫిక్ పోలీసులకు మెసేజ్ రావడంతో ఒక్కసారిగా హైఅలర్ట్ ప్రకటించారు. సల్మాన్కు రూ.2 కోట్లు ఇవ్వకపోతే చంపేస్తామని హెచ్చరించిన ఈ సందేశం ముంబయి పోలీసుల దృష్టికి రావడంతో వెంటనే కేసు నమోదు చేసి దర్యాప్తు ప్రారంభించారు.
ఘటన నేపథ్యం – బెదిరింపుల వరుస
ఇటీవల అరెస్టైన లారెన్స్ బిష్ణోయ్ గ్యాంగ్ వ్యక్తి గుఫ్రాన్ ఖాన్‌పై కేసు నమోదు చేసి నోయిడా నుండి అతడిని అరెస్టు చేసిన కాసేపటికే సల్మాన్ ఖాన్‌కి మరోసారి ప్రాణహాని బెదిరింపు రావడం గమనార్హం. ఈ బెదిరింపులకు లారెన్స్ బిష్ణోయ్ గ్యాంగ్ చేతిలో హత్యకు గురైన ఎన్సీపీ నేత బాబా సిద్ధిఖీ కుమారుడు జీషన్ సిద్ధిఖీ అంశం నేపథ్యంలో సల్మాన్ ఖాన్ విషయంలో కూడా తీవ్ర హెచ్చరికలు రావడం కలకలం రేపుతోంది.
లారెన్స్ బిష్ణోయ్ గ్యాంగ్ బెదిరింపులు – గతం నుంచి కొనసాగుతున్న హెచ్చరికలు
కృష్ణజింక వేట కారణంగా సల్మాన్ ఖాన్‌పై పగతో ఉన్న లారెన్స్ బిష్ణోయ్ గ్యాంగ్ ఇప్పటికే పలు మార్లు బెదిరింపులకు పాల్పడిన సంగతి తెలిసిందే. 2023 నవంబర్‌లో “మరణానికి వీసా అవసరం లేదు” అంటూ సల్మాన్ను హెచ్చరించారు. సల్మాన్ ఖాన్ తమ మందిరానికి వెళ్లి క్షమాపణలు చెప్పితే తప్ప వదలమని బిష్ణోయ్ గ్యాంగ్ స్పష్టం చేసింది.
విస్తృతమైన దర్యాప్తు – పోలీసుల అప్రమత్తం
సల్మాన్ ఖాన్‌కు ఆగంతుకులు రెగ్యులర్‌గా బెదిరింపులు పంపుతుండడంతో పోలీసులు మరోసారి దర్యాప్తును వేగవంతం చేశారు. ఇటీవలే ఎన్సీపీ నేత, సల్మాన్ సన్నిహితుడు బాబా సిద్ధిఖీని లారెన్స్ బిష్ణోయ్ గ్యాంగ్ హత్య చేసింది. అలాగే సల్మాన్కు సంబంధించిన వ్యవహారాలకు దూరంగా ఉండాలని పలువురికి బెదిరింపు సందేశాలు పంపింది.