బాలీవుడ్ టైగర్ సల్మాన్ ఖాన్ నటించిన లేటెస్ట్ మాస్ ఎంటర్‌టైనర్ ‘సికందర్’ మార్చి 30న గ్రాండ్ రిలీజ్‌కి సిద్ధమవుతోంది. ఏఆర్ మురుగదాస్ డైరెక్షన్‌లో తెరకెక్కిన ఈ భారీ యాక్షన్ డ్రామా ఇప్పటికే టీజర్, ట్రైలర్‌తో ప్రేక్షకుల్లో భారీ అంచనాలను ఏర్పరిచింది.
బాక్సాఫీస్ వద్ద ఈ సినిమా భారీ వసూళ్లు సాధించనుందని యూనిట్ భారీగా నమ్మకంతో ఉంది. ఇక తాజా వార్తల ప్రకారం సల్మాన్ ఖాన్ తన తదుపరి ప్రాజెక్ట్ పైనే ఫోకస్ పెట్టినట్లు తెలుస్తోంది.
మళ్ళీ ఓ సౌత్ డైరెక్టర్‌కి అవకాశమిచ్చే ప్రయత్నాల్లో ఉన్నారని బీటౌన్ వర్గాల్లో చర్చ జరుగుతోంది. తమిళ నటుడు శివకార్తికేయన్ హీరోగా నటించిన ‘అమరన్’ చిత్ర దర్శకుడు రాజ్‌కుమార్ పెరియసామి ఇటీవల సల్మాన్‌ను కలసి ఓ పాయింట్ లైన్ వినిపించాడట.
ఆ కథాంశం సల్మాన్‌కి నచ్చడంతో, పూర్తి స్క్రిప్ట్ విన్నాక గ్రీన్ సిగ్నల్ ఇచ్చే అవకాశం ఉందని సమాచారం. ఇది నిజమైతే, మురుగదాస్ తర్వాత మరో సౌత్ డైరెక్టర్‌తో సల్మాన్ జట్టుకట్టే సూచనలుగా మారొచ్చు.
ఇప్పటికే ‘సికందర్’లో రష్మిక మందన్నతో జోడీగా నటిస్తున్న సల్మాన్, మరోసారి సౌత్ టచ్‌కు మొగ్గు చూపడం విశేషమే. కంటెంట్ ఉన్న దర్శకులపై సల్మాన్ ఫోకస్ పెడుతున్నాడన్నది ఈ తాజా పరిణామంతో స్పష్టమవుతోంది.