టాలీవుడ్‌లో స్టార్ హీరోయిన్ సమంత, టాలెంటెడ్ డైరెక్టర్ నందినీ రెడ్డి మంచి బంధాన్ని కొనసాగిస్తున్నారు. ఓ బేబీ మూవీతో వీరి కాంబినేషన్ ఎంత పెద్ద హిట్ అయ్యిందో అందరికీ తెలిసిందే. ఇప్పుడు మళ్లీ ఈ కాంబో రిపీట్ కానుందా అనే చర్చ తెరపైకి వచ్చింది.
ఇటీవల నందినీ రెడ్డికి పుట్టినరోజు శుభాకాంక్షలు చెబుతూ, సమంత ఓ ఆసక్తికర కామెంట్ చేసింది. “ఇది గొప్ప ఏడాది అవుతుంది. ముందుకు సాగుదాం” అంటూ పేర్కొంది. దీనికి నందినీ కూడా “మళ్లీ మొదలెట్టే క్షణం కోసం ఎదురుచూస్తున్నా. ముందుకు సాగుదాం” అని సమాధానం ఇవ్వడంతో, వీరిద్దరూ కలిసి మరో సినిమా చేయబోతున్నారా? అనే ఊహాగానాలు మొదలయ్యాయి.
ప్రస్తుతం సమంత లేడీ ఓరియెంటెడ్ సినిమాలపై దృష్టి పెట్టింది. మా ఇంటి బంగారం సినిమాలో నటిస్తూనే, హిందీలో ఓ వెబ్‌సిరీస్‌లో భాగమైంది. మరోవైపు నందినీ రెడ్డి కూడా కొత్త కథ సిద్ధం చేస్తోందని టాలీవుడ్ వర్గాల్లో వార్తలు వినిపిస్తున్నాయి.
ఇప్పటివరకు అధికారిక ప్రకటన ఏమీ రాకపోయినా, వీరి మధ్య జరిగిన చర్చ నిజమేనా అన్నది ప్రేక్షకుల్లో ఉత్కంఠ రేకెత్తిస్తోంది. ఓ బేబీ తరహాలో మరో ఎమోషనల్ ఎంటర్‌టైనర్ రాబోతోందా అన్నదానిపై త్వరలో స్పష్టత రావొచ్చు.