మూవీడెస్క్: డైరెక్టర్ సందీప్ రెడ్డి వంగా.. ఇప్పటి వరకు తీసిన మూడు సినిమాలతోనే ఇండియన్ ఫిల్మ్ ఇండస్ట్రీలో స్టార్ డైరెక్టర్‌గా మారిపోయారు.
‘అర్జున్ రెడ్డి’, ‘కబీర్ సింగ్’, ‘యానిమల్’ చిత్రాలతో సంచలన విజయాలు సాధించి మోస్ట్ వాంటెడ్ డైరెక్టర్‌గా గుర్తింపు పొందారు.
ఇప్పుడు ఆయన పాన్ ఇండియా స్టార్ ప్రభాస్‌తో ‘స్పిరిట్’ సినిమాను చేస్తున్న సంగతి తెలిసిందే. ఈ సినిమా ప్రకటించాకే అంచనాలు ఆకాశాన్నంటాయి.
ఇప్పటికే స్క్రిప్ట్ వర్క్ పూర్తిచేసుకున్న సందీప్, దీపావళి సందర్భంగా మ్యూజిక్ డైరెక్టర్ హర్షవర్ధన్ రామేశ్వర్‌తో కలిసి సంగీత పనులు ప్రారంభించారు.
హర్షవర్ధన్ గతంలో ‘అర్జున్ రెడ్డి’, ‘కబీర్ సింగ్’, ‘యానిమల్’ చిత్రాలకు సంగీతం అందించి అద్భుతమైన అవుట్‌పుట్ ఇచ్చాడు.
‘యానిమల్’కు గాను బ్యాక్‌గ్రౌండ్ స్కోర్‌పై ఫిల్మ్‌ఫేర్ అవార్డు అందుకున్నాడు.
ఇప్పటి వరకు అన్ని బడ్జెట్ మూవీలకు అనిరుధ్, దేవిశ్రీ ప్రసాద్, తమన్ లాంటి పెద్ద పేర్లు మ్యూజిక్ అందించినప్పటికీ, ‘స్పిరిట్’ కోసం మాత్రం సందీప్.. తనతో మొదటినుంచి కలిసి వర్క్ చేస్తున్న హర్షవర్ధన్ రామేశ్వర్‌ను ఎంపిక చేశారు.
దీంతో, వీరిద్దరి బంధం మరింత బలంగా ఉందని అభిమానులు వ్యాఖ్యానిస్తున్నారు.