మూవీడెస్క్: క్లాస్ డైరెక్టర్ మోహనకృష్ణ ఇంద్రగంటి, టాలెంటెడ్ నటుడు ప్రియదర్శి, సూపర్ హిట్ చిత్రాలను అందించిన శ్రీదేవి మూవీస్ కలిసి తెరపైకి తీసుకురాబోతున్న సినిమా సారంగపాణి జాతకం.
తాజాగా విడుదలైన టీజర్ ప్రేక్షకులను ఆకట్టుకుంటోంది.
ఈ టీజర్ లో ఇంద్రగంటి మార్క్ హ్యూమర్ టచ్, ప్రియదర్శి హాస్యధోరణి ప్రత్యేకంగా నిలిచాయి.
సారంగపాణి (ప్రియదర్శి) పాత్ర తన పేరు ప్రకారం భిన్నంగా ఉంటుంది.
జాతకాల పిచ్చితో బతుకును నడిపే వ్యక్తి. ప్రతి ఉదయం పేపర్ లో రాశి ఫలాలు చదివి, వాటినే నిజం చేసుకుంటూ అతిగా ఆలోచిస్తూ ఉంటాడు.
ఆ ఆలోచనలు పీడ కలలుగా కూడా అతన్ని వెంటాడుతుంటాయి. తాను మర్డర్ చేసినట్లు కలలలో చూస్తూ ఉలిక్కిపడతాడు.
టీజర్ మొత్తం హాస్యాన్ని ముందుంచినప్పటికీ, సస్పెన్స్‌ని కూడా జాగ్రత్తగా నిలిపింది.
అవసరాల శ్రీనివాస్, వెన్నెల కిషోర్, హర్ష పాత్రలు సినిమాకు హాస్యరసం జోడించగా, తనికెళ్ల భరణి పాత్ర కథలో కీలక మలుపుగా అనిపిస్తోంది.
జాతకాల నేపథ్యం ఆధారంగా సినిమాలు గతంలో వచ్చినా, ఇంద్రగంటి ట్రీట్మెంట్ పూర్తిగా కొత్తగా ఉంది. ఇంద్రగంటి, ప్రియదర్శి గత సినిమాలు ఆశించిన ఫలితాలు ఇవ్వలేదు.
సారంగపాణి జాతకం మాత్రం వారి కెరీర్‌కు కీలక మలుపుగా మారాలని వారు ఆశిస్తున్నారు.
మరి సినిమా ఎలాంటి ఫలితాన్ని అందుకుంటుందో చూడాలి.
Video Credit: Sridevi Movies