మూవీడెస్క్: సరిపోదా శనివారం సినిమాలో నేచురల్ స్టార్ నాని మరోసారి కొత్త రిస్క్ తీసుకుంటున్నారు. ఇటీవలే ట్రైలర్ విడుదలై పాజిటివ్ రెస్పాన్స్ తెచ్చుకున్న ఈ సినిమా, ఆగష్టు 30న ప్రేక్షకుల ముందుకు రానుంది.
వివేక్ ఆత్రేయ దర్శకత్వంలో రూపొందిన ఈ చిత్రానికి హై ఎక్స్‌పెక్టేషన్స్ ఉన్నాయి. దసరా మరియు హాయ్ నాన్న వంటి హిట్ల తర్వాత, నాని ఈ సినిమాతో హ్యాట్రిక్ విజయాన్ని సాధించాలని ఆశ పడుతున్నారు.
సరిపోదా శనివారం రన్ టైం 174 నిమిషాల 50 సెకన్లుగా ఉంది, అంటే దాదాపు 3 గంటలు. ఇది ప్రస్తుతం ప్యాన్ ఇండియా సినిమాల్లో రన్ టైమ్స్ ఎక్కువగా ఉండటంతో ప్రేక్షకులకు భారీ కథనాలు కూడా ఎంటర్టైన్ చేయగలవన్న నమ్మకాన్ని ఇస్తోంది.
అయితే, రన్ టైం ఎక్కువగా ఉన్నా కథనం ఎక్కడా లాగ్ కాకుండా ఉంటే సినిమాకి సక్సెస్‌ వస్తుందని యానిమల్ , కల్కి వంటి సినిమాలు రుజువు చేశాయి.
నాని గతంలో కూడా అంటే సుందరానికి అనే సినిమాతో ఎక్కువ రన్ టైమ్ చేసినా, అది పూర్తిగా క్లిక్ అవ్వలేదు.
ఈసారి వివేక్ ఆత్రేయ తన కంఫర్ట్ జోన్ నుంచి బయటకు వచ్చి యాక్షన్ ఎలిమెంట్స్‌కి ప్రాధాన్యత ఇవ్వడం విశేషం.
మరి ఈ సినిమాతో మూడున్నర గంటల రన్ టైమ్‌తో ప్రేక్షకులని బోర్ కాకుండా కట్టిపడేస్తారేమో చూడాలి.