మూవీడెస్క్: నేచురల్ స్టార్ నాని హీరోగా, వివేక్ ఆత్రేయ దర్శకత్వంలో రూపొందుతున్న సరిపోదా శనివారం సినిమా ఇప్పటికే ప్రేక్షకుల్లో మంచి ఆసక్తిని రేకెత్తించింది.
ఇటీవల ఈ చిత్రానికి సంబంధించి విడుదలైన పాటలు, టీజర్ పట్ల ప్రేక్షకుల నుంచి పాజిటివ్ స్పందన వచ్చినా, ఇప్పుడు ఎస్‌.జె.సూర్య చేసిన కొన్ని వ్యాఖ్యలు సినిమాపై మరింత చర్చను తెచ్చాయి.
ఈ సినిమాలో నాని పాత్ర ఒక ప్రత్యేకత కలిగి ఉందట. వారమంతా వచ్చిన కోపాన్ని కేవలం శనివారం మాత్రమే బయటపెట్టే వ్యక్తిగా అతను కనిపించబోతున్నాడు.
ఈ కథనంలోకి ప్రేక్షకులను మరింతగా ఆకట్టుకోవడానికి దర్శకుడు వివేక్ ఆత్రేయ వినూత్నమైన కథా తంతు తీసుకురావడం విశేషం.
తాజాగా ఎస్‌.జె.సూర్య ఇచ్చిన ఇంటర్వ్యూలో ఈ సినిమాలోని పాయింట్‌ని కొంత వరకు రివీల్ చేశారు.
ఆయన చెప్పిన ప్రకారం, నాని చిన్నతనంలో తన తల్లి సూచించిన విధానాన్ని పాటిస్తూ, వారంలో వచ్చిన కోపాన్ని కేవలం ఒకే రోజు, శనివారం చూపించమని తల్లి చెప్పిన మాటను మనసులో పెట్టుకుని నాని ఆ విధానాన్ని అనుసరిస్తాడని తెలిపారు.
అయితే ఈ ఇంటర్వ్యూ తర్వాత, సోషల్ మీడియాలో ఈ వ్యాఖ్యలపై వివిధ అభిప్రాయాలు వ్యక్తమవుతున్నాయి.
కొందరు సినిమా కథను ముందుగానే చెప్పేశారని, అది సరైనదేమో అనుకుంటుండగా, మరికొందరు ఇది కేవలం కథ ప్రారంభం మాత్రమేనని, అసలు కథనం, ప్రధాన సంఘటనలు తరువాతి భాగంలో ఉంటాయని చెబుతున్నారు.