టాలీవుడ్: విజయ్ దేవరకొండ తో మూడు సంవత్సరాల క్రితం ‘గీత గోవిందం’ లాంటి సూపర్ సక్సెస్ఫుల్ సినిమాని రూపొందించిన పరశురామ్ ప్రస్తుతం సూపర్ స్టార్ మహేష్ బాబు తో ‘సర్కారు వారి పాట’ అనే సినిమాని రూపొందిస్తున్నాడు. మహేష్ బాబు నటిస్తున్న ఈ సినిమా ఫస్ట్ లుక్ ఈ రోజు విడుదలైంది. కొత్త లుక్ తో స్టైలిష్ గా కాస్ట్ లీ కార్ లోంచి దిగుతున్న మహేష్ లుక్ అల్ట్రా స్టైలిష్ గా ఉందని చెప్పవచ్చు. ఎపుడూ ఒకే లుక్ , ఒకే కాస్ట్యూమ్స్ వేస్తాడు అనే విమర్శ మహేష్ పైన ఉంది. ఈ సినిమాతో ఆ విమర్శలన్నిటికి సమాధానం దొరికింది. ఈ సినిమా ఫస్ట్ లుక్ రిలీజ్ చేయడం మాత్రమే కాకుండా మరో 9 రోజుల్లో మహేష్ బాబు పుట్టిన రోజు సందర్భంగా ఒక బ్లాస్ట్ ఉండబోతున్నట్టు ప్రకటించారు, బహుశా టీజర్ రిలీజ్ చేసే అవకాశాలు ఉన్నాయి అనుకోవచ్చు.
సక్సెస్ఫుల్ సినిమాలు తీస్తూ టాప్ లీగ్ ఆక్టర్స్ మరియు డైరెక్టర్స్ తో వరుసగా సినిమాలు నిర్మిస్తున్న మైత్రి మూవీ మేకర్స్, GMB ఎంటర్టైన్మెంట్, 14 రీల్స్ ప్లస్ సంస్థలు బ్యానర్స్ అన్ని కలిసి ఈ సినిమాని నిర్మిస్తుంది. ప్రకాష్ రాజ్, సుబ్బ రాజు, రావు రమేష్, వెన్నెల కిషోర్ ఈ సినిమాలో మరిన్ని పాత్రల్లో నటిస్తున్నారు. ఈ సినిమాలో మహేష్ కి జోడీ గా కీర్తి సురేష్ నటిస్తుంది. ఇండస్ట్రీ లో టాప్ లో కొనసాగుతున్న థమన్ ఈ సినిమాకి సంగీతం అందించనున్నాడు. ఈ సినిమాని సంక్రాంతి సందర్భంగా జనవరి 13 ,2022 న విడుదల చేయనున్నట్టు ప్రకటించారు.