టాలీవుడ్: కరోనా వల్ల ఓటీటీల్లో చాలా సినిమాలు విడుదల అవుతున్నాయి. ఇప్పటివరకు తెలుగులో పెద్ద హీరో సినిమాలు పెద్దగా ఏమి అవలేదు కానీ చిన్న హీరోల సినిమాలు బాగానే విడుదల అయ్యాయి. అందులో సత్యదేవ్ సినిమాలు చాలా నే విడుదల అయ్యాయి. అలీ కూడా సత్యదేవ్ తో ఒక ఇంటర్వ్యూ లో లాక్ డౌన్ స్టార్ అనేశాడు. సత్యదేవ్ నటించిన ‘ఉమా మహేశ్వర ఉగ్ర రూపస్య’, ’47 డేస్’,’లాక్డ్’ లాంటి సినిమాలు ఓటీటీ లో విడుదల అయ్యాయి. ఇండస్ట్రీ లో చాలా రోజులుగా స్ట్రగుల్ ఫేస్ చేస్తున్న సత్యదేవ్ కి ‘ఉమా మహేశ్వర ఉగ్ర రూపస్య’ విజయం తో మంచి గుర్తింపు లభించింది. ఇపుడు తన చేతిలో మూడు సినిమాల ఆఫర్ లు ఉన్నాయి. అవి షూటింగ్ స్టేజి లో ఉన్నాయ్.
ప్రస్తుతం ఈ హీరో నటించిన మరొక సినిమా కూడా ఓటీటీ లో రాబోతుంది. సత్య దేవ్ హీరో గా నటించిన ‘గువ్వా గోరింక’ అనే సినిమా అమెజాన్ ప్రైమ్ ఓటీటీ లో విడుదల అవబోతుంది. ఒక రొమాంటిక్ లవ్ స్టోరీ గా రూపొందిన ఈ సినిమా డిసెంబర్ 17 నుండి ప్రైమ్ లో అందుబాటులో ఉండబోతుంది. ఈ సినిమాలో సత్యదేవ్ కి జోడీ గా ప్రియా లాల్ అనే హీరోయిన్ నటించింది. ప్రియదర్శి కూడా ముఖ్య పాత్రలో మెరిశాడు. ఆకర్ మూవీస్ బ్యానర్ పై దాము రెడ్డి , జీవన్ రెడ్డి నిర్మాణంలో రూపొందిన ఈ సినిమాని మోహన్ బమ్మిడి అనే నూతన దర్శకుడు దర్శకత్వం వహించాడు.