మహారాష్ట్ర: మూడు సార్లు ముఖ్యమంత్రిగా, ఎన్సీపీ (ఎస్పీ) అధినేతగా మహారాష్ట్ర కాంగ్రెస్ రాజకీయాల్లో కీలక పాత్ర పోషించిన శరద్ పవార్, భవిష్యత్ ఎన్నికల్లో పోటీ చేయబోనని ప్రకటించారు. తన రాజ్యసభ పదవీకాలం 2026లో ముగియనుండగా, తదుపరి పొలిటికల్ భవిష్యత్తును మదింపు చేసుకుంటానని ఆయన పేర్కొన్నారు.
ఈ నేపథ్యంలో, తన మనవడు యుగేంద్ర పవార్ బారామతి నియోజకవర్గం నుంచి పోటీ చేస్తున్నందుకు మద్దతుగా ఆయన పర్యటించారు.
14 సార్లు ఎన్నికల్లో గెలిచిన పవార్, తన రాజకీయ ప్రయాణాన్ని సమీక్షిస్తూ, కొత్త తరానికి అవకాశాన్ని ఇవ్వాలని అన్నారు. “నాకు అధికారం అవసరం లేదు, ప్రజా సేవలో కొనసాగుతా” అంటూ ఆయన స్పష్టం చేశారు. గ్రామీణ, వెనుకబడిన ప్రజలకు, ప్రత్యేకంగా ఆదివాసీలకు సేవలందించాలన్న తన నిబద్ధతను పవార్ వ్యక్తం చేశారు.
మరోవైపు, 30 ఏళ్ల క్రితం మహారాష్ట్ర రాష్ట్ర బాధ్యతలను అజిత్ పవార్‌కు అప్పగించిన పవార్, భవిష్యత్‌లో మరిన్ని కొత్త నాయకులను ప్రోత్సహించాలన్న సంకల్పం వ్యక్తం చేశారు. బారామతి నియోజకవర్గంలో యువ తరాలకు శక్తిని అందించడం ముఖ్యమని, ఇందుకు తాను మార్గదర్శకత్వం వహిస్తానని ఆయన అభిప్రాయపడ్డారు.