టాలీవుడ్‌లో హీరోగా గుర్తింపు తెచ్చుకున్న శివాజీ, కొంతకాలంగా సినిమాలకు దూరంగా ఉన్నాడు. ఒకప్పుడు యూత్‌ఫుల్ రోల్స్, సీరియస్ క్యారెక్టర్‌లతో ఆకట్టుకున్నా, సరైన హిట్ లేక వెనుకబడ్డాడు. అయితే, ఇటీవల వెబ్‌సిరీస్ 90’s మిడిల్ క్లాస్ బయోపిక్ తో మళ్లీ ఫోకస్‌లోకి వచ్చాడు. ఇప్పుడు మరో పవర్ఫుల్ పాత్రతో ప్రేక్షకుల ముందుకు రాబోతున్నాడు.
నాని నిర్మించిన కోర్ట్ సినిమాలో శివాజీ నటించిన మంగపతి పాత్ర సినీప్రియులను ఆకట్టుకుంటోంది. విలన్‌గా ఆయన కొత్త అవతారం సర్‌ప్రైజ్‌గా మారింది. ముఖ్యంగా, తన ఇంటెన్స్ పెర్ఫార్మెన్స్‌తో అన్ని ఫోకస్‌లను తనవైపు తిప్పుకున్నాడు. హర్షవర్ధన్‌తో వచ్చే సీన్లు సినిమాకు హైలైట్‌గా నిలిచాయి.
శివాజీ గతంలో క్యారెక్టర్ రోల్స్ చేసినా, విలన్ పాత్రలో తొలిసారి ఈ స్థాయిలో మెప్పించడం విశేషం. శ్రీకాంత్, జగపతిబాబు లాంటి హీరోల మాదిరిగా అతనూ విలన్‌గా కొత్త ఇమేజ్ దక్కించుకోవచ్చు. ఈ పాత్రతో మరో సెకండ్ ఇన్నింగ్స్ మొదలైనట్లేనని ఇండస్ట్రీ వర్గాలు అంటున్నాయి.
ఈ సినిమా తర్వాత శివాజీకి మరిన్ని విలన్, క్యారెక్టర్ ఆర్టిస్ట్ అవకాశాలు రాబోతున్నాయి. మంచి స్క్రిప్ట్‌లతో వస్తే, త్వరలో వెబ్‌సిరీస్‌లు, పాన్ ఇండియా సినిమాల్లోనూ కనిపించవచ్చు. ఇక, ఈ కొత్త ఇమేజ్‌ను అతను ఎంతవరకు సద్వినియోగం చేసుకుంటాడో చూడాలి.