మూవీడెస్క్: తెలుగు చిత్ర పరిశ్రమలో యాక్టివ్‌గా ఉన్న నిర్మాణ సంస్థలలో సితార ఎంటర్‌టైన్‌మెంట్స్ ఒకటి.
ఇటీవల ఈ సంస్థ వరుస సినిమాలతో దూసుకుపోతూ మంచి లాభాలు ఆర్జిస్తోంది. ‘దేవర’ చిత్రాన్ని ఏపీ, తెలంగాణలో సక్సెస్‌ఫుల్‌గా డిస్ట్రిబ్యూట్ చేసి భారీగా వసూళ్లు సాధించింది.
ఇప్పుడు అదే జోష్‌లో ఈ సంస్థ వరుసగా నాలుగు సినిమాలు లైన్‌లో పెట్టింది.
మొదట వెంకీ అట్లూరి దర్శకత్వంలో దుల్కర్ సల్మాన్ హీరోగా నటించిన ‘లక్కీ భాస్కర్’.
సాధారణ ఉద్యోగి జీవితంలోని డబ్బు ప్రభావం నేపథ్యంలో తెరకెక్కిన ఈ చిత్రం అక్టోబర్ 31న విడుదల కానుంది. ఈ చిత్రంపై భారీ అంచనాలు ఉన్నాయి.
ఇక ‘మ్యాడ్ స్కేర్’ మరో సినిమా. ‘మ్యాడ్’ మూవీకి సీక్వెల్‌గా రాబోతున్న ఈ చిత్రంలో నార్నే నితిన్, సంగీత్ శోభన్, రామ్ నితిన్‌లు హీరోలుగా నటిస్తున్నారు.
నవంబర్‌లో విడుదల చేయడానికి సన్నాహాలు చేస్తున్నారు.
‘జెర్సీ’ ఫేమ్ గౌతమ్ తిన్ననూరి దర్శకత్వంలో ‘మ్యాజిక్’ చిత్రం డిసెంబర్ 21న ప్రేక్షకుల ముందుకు రానుంది.
క్రిస్మస్ సందర్భంగా విడుదలకానున్న ఈ సినిమాపై కూడా మంచి అంచనాలు ఉన్నాయి.
తదుపరి నందమూరి బాలకృష్ణ – బాబీ కాంబినేషన్‌లో రాబోతున్న ప్రతిష్టాత్మక సినిమా కూడా సితార నిర్మాణంలోనే ఉండడం విశేషం.
ఇది 2025 జనవరి సంక్రాంతికి రానుంది.
ఇలా సితార ఎంటర్‌టైన్‌మెంట్స్ ఫుల్ స్పీడ్‌లో నెలకో సినిమా రిలీజ్ చేయడం ఇండస్ట్రీలో అందరినీ ఆశ్చర్యానికి గురిచేస్తోంది.