మూవీడెస్క్: టాలీవుడ్ కమెడియన్ వెన్నెల కిషోర్ హీరోగా నటిస్తున్న కొత్త సినిమా Srikakulam Sherlock Holmes పై ఆసక్తి రోజు రోజుకీ పెరుగుతోంది.
ఇప్పటికే వెన్నెల కిషోర్ హీరోగా చారి 111 మూవీతో మెప్పించిన విషయం తెలిసిందే. ఈసారి క్రైమ్ కామెడీ థ్రిల్లర్ జానర్‌లో తెరకెక్కుతున్న ఈ సినిమా ప్రేక్షకుల్లో ఆసక్తి రేపుతోంది.
తెలుగు రచయిత మోహన్ ఈ సినిమాతో దర్శకుడిగా మారుతున్నారు.
అనన్య నాగళ్ల హీరోయిన్‌గా నటిస్తుండగా, శ్రీ గణపతి సినిమాస్ బ్యానర్‌పై వెన్నపూస రమణా రెడ్డి ఈ చిత్రాన్ని నిర్మిస్తున్నారు.
ఇప్పటికే విడుదలైన ఫస్ట్ లుక్ పోస్టర్, సాంగ్స్ మంచి రెస్పాన్స్ పొందాయి.
తాజాగా మేకర్స్ సినిమా విడుదల తేదీని ప్రకటించారు. డిసెంబర్ 25వ తేదీన ఈ సినిమాను ప్రపంచవ్యాప్తంగా ప్రేక్షకుల ముందుకు తీసుకురానున్నారు.
క్రిస్మస్ కానుకగా రిలీజ్ చేయనున్నట్లు మేకర్స్ సోమవారం ప్రకటించారు.
ఈ సందర్భంగా కొత్త పోస్టర్‌ను కూడా విడుదల చేశారు, అందులో వెన్నెల కిషోర్ డిటెక్టివ్ పాత్రలో హ్యాట్ ధరించి ఆసక్తికరంగా కనిపించారు.
ఈ సినిమాలో వెన్నెల కిషోర్, అనన్య నాగళ్లతో పాటు సీయా గౌతమ్, స్నేహ గుప్తా, బాహుబలి ప్రభాకర్, మురళీధర్ గౌడ్ తదితరులు కీలక పాత్రల్లో కనిపించనున్నారు.
సునీల్ కశ్యప్ సంగీతం అందిస్తుండగా, మల్లికార్జున్ సినిమాటోగ్రఫీ, అవినాష్ గుర్లింక్ ఎడిటింగ్ బాధ్యతలు చూస్తున్నారు.
విభిన్న కథాంశంతో వస్తున్న ఈ చిత్రం వెన్నెల కిషోర్‌కు మంచి హిట్ ఇస్తుందేమో చూడాలి.